Mae’r gwasanaeth amgueddfeydd yn ymroddedig i ddarparu profiad cyffrous, ymarferol sy’n berthnasol i’r Cwricwlwm Cenedlaethol ac i gynlluniau gwaith poblogaeth ar gyfer Hanes a Chelf.  Gellir teilwra gweithgareddau a deunyddiau cefnogi ar gyfer pob cyfnod allweddol i gwrdd ag anghenion athrawon.  Mae gan athrawon yr opsiwn i arwain y sesiynau eu hunain neu gallant ddewis defnyddio swyddog Addysg a chodir tâl bychan am hynny.

Pecynnau Gwybodaeth a Thaflenni Gwaith

Mae taflenni gwaith a phecynnau gwybodaeth pwrpasol gyda nodiadau arweiniad i athrawon yn cael eu datblygu er mwyn darparu cefnogaeth ychwanegol a strwythur i ymweliadau disgyblion â chasgliadau’r amgueddfa a safleoedd dan ein gofal.

Gwaith Allanol

Mae casgliad bychan o nwyddau’n seiliedig ar themâu domestig ar gael ar fenthyg i ysgolion a grwpiau cymunedol.  Fodd bynnag, anogir defnyddwyr yn gryf i drefnu sesiwn gweithdy gyda Swyddog Addysg yr Amgueddfa fydd yn dod â nifer o wrthrychau ar ddewis bwnc neu thema i’r ysgol neu’r adeilad cymunedol ac yn arwain neu’n cefnogi sesiynau gweithdy trafod gwrthrychau mewn cydweithrediad ag athrawon/ trefnwyr.  Fel hyn, gall cefnogaeth arbenigol ac amrywiaeth ehangach o wrthrychau fod ar gael i chi.

Cyfleusterau Ychwanegol

Mae caffi a thoiledau ar gael yn y Castell.  Mae modd gwneud ystafell ar gael ar gyfer bwyta pecynnau cinio yn y Castell, cyn belled â bod cais yn cael ei wneud am hyn adeg trefnu’r ymweliad.

Prisiau

£20 Un sesiwn dan arweiniad heb derfyn ar nifer y plant y cewch ddod â hwy.  Mynediad am ddim y Gastell Cyfarthfa a Bwthyn Joseph Parry.