Er mwyn gwneud y gorau o’ch ymweliad, mae profiad yn awgrymu’r canlynol:

Awgrymir bod pob grŵp sy’n ymweld â’r amgueddfa’n archebu ymlaen llaw er mwyn gwneud y gorau o’u hymweliad.

Arlwyo

Gan mai busnes teuluol preifat yw’r Ystafell De, a’r lle’n gyfyngedig, argymhellwn eich bod yn archebu eich arlwyo ymlaen llaw.

Mynediad/ Cyfleusterau i’r Anabl

Bydd ein Cynorthwywyr Amgueddfa yng Nghastell Cyfarthfa’n hapus i agor y fynedfa i’r anabl ar gyfer eich grŵp, a byddant yn tynnu eich sylw at y lifft cadair a thoiledau’r anabl.

Parcio

Mae lle ar gael i fysys barcio am ddim.  Cewch gyfarwyddiadau pan dderbyniwn eich archeb.

Prisiau

Mae mynediad yn rhad ac am ddim yn ystod oriau agor arferol.

Mae teithiau tywys (ar gyfer grwpiau o lai na 25) neu sgyrsiau darluniadol i gynulleidfa sy’n eistedd (i grwpiau o 25 a mwy) ar gael, er y codir tâl.  Cysylltwch â ni am fanylion.

Mae modd trefnu ymweliadau gyda’r nos hefyd, ond codir tâl i dalu costau staff, goleuo ayyb (cysylltwch â ni am fanylion os gwelwch yn dda).

Mae’n bosib y codir tâl am gymryd rhan mewn ‘digwyddiadau arbennig’ hefyd.

Sut i Archebu

Cysylltwch â’r Amgueddfa dros y ffôn/ ffacs (01685 723112) er mwyn archebu.  Byddwn wedyn yn anfon cadarnhad atoch.  Fel arall, anfonwch e-bost at museum@merthyr.gov.uk.