Yr Iaith Gymraeg yn serenu mewn Digwyddiadau Gyrfaoedd

Yn dilyn lansiad hynod lwyddiannus y Bartneriaeth Addysg Busnes Gyda'n Gilydd (BETP) ym mis Ionawr, mae'r cyfleoedd i ymgysylltu â busnesau a chyflogwyr gydag ysgolion yn parhau i gynyddu gyda dau ddigwyddiad hynod lwyddiannus a gynhaliwyd dros yr wythnosau diwethaf.

Yn gyntaf, bu Ysgol Uwchradd Afon Taf yn gweithio mewn partneriaeth â'r BETP i gynnal 'Diwrnod Swyddi Cudd' ar Chwefror 26ain.

Cymerodd deg cyflogwr yr amser i amlygu i ddisgyblion Blwyddyn 8 yr ystod eang o opsiynau gyrfa sydd ar gael mewn gwahanol sectorau. Gall y math hwn o amlygiad cynnar i yrfaoedd amrywiol fod yn hynod fuddiol i unigolion ifanc wrth iddynt ddechrau ystyried eu llwybrau yn y dyfodol. Mae'n wych gweld yr ymdrechion hyn yn cael eu gwneud i helpu myfyrwyr i wneud dewisiadau gwybodus am eu gyrfaoedd yn y dyfodol.

Dywedodd un o'r disgyblion fod y diwrnod wedi gwneud iddo fod eisiau mynd i'r coleg.

Diolch yn fawr iawn i'r holl gyflogwyr a fynychodd y digwyddiad cyffrous hwn:

Cafwyd diwrnod gwych arall yn y Coleg ar gyfer clwstwr Pen-y-Dre, Ysgol Rhyd y Grug a Diwrnod Gyrfaoedd Ysgol Santes Tudful ym mis Mawrth. Roeddem wrth ein bodd bod dros 20 o gyflogwyr yn ymuno â ni ar gyfer ffair yrfaoedd wedi'i hanelu at ddisgyblion ysgolion cynradd. Roedd hefyd yn wych gweld 6 chyflogwr yn arwain gweithdai dwyieithog sy'n tynnu sylw at fanteision y Gymraeg yn y gweithle. Gyda Cymraeg 2050, yn rhoi'r uchelgais i filiwn o siaradwyr Cymraeg, roedd yn wych gallu arddangos manteision dwyieithrwydd a'r angen cynyddol yn y gweithle.

Dywedodd Owen o Morgan Sindall, "Roedd disgyblion yn gofyn cwestiynau gwych iawn ac roedden nhw'n canolbwyntio'n llwyr."

Dywedodd Sam Hoyland o JNP Legal "Roedd yn ddigwyddiad mor wych."

Cafodd y myfyrwyr gyfle i gymryd rhan mewn gweithgareddau ymarferol fel argraffu 3D, modelu clai, a weldio rhithwir, a oedd yn brofiad gwych iddynt.

Roedd ymddygiad a ffocws yr holl ddisgyblion yn rhagorol, gan adael argraff barhaol ar y cyflogwyr, wrth godi ymwybyddiaeth o gyfleoedd cwricwlwm yn y coleg a galluogi disgyblion i feddwl am y llwybrau sydd ar gael iddynt yn y blynyddoedd i ddod. Gydag addysg sy'n gysylltiedig â gwaith gyrfaoedd yn elfen orfodol o'r Cwricwlwm i Gymru, mae'n hanfodol bod plant a phobl ifanc yn cael eu llygaid yn agored i fyd gwaith! Nid yw digwyddiadau fel hyn yn bosibl heb y Bartneriaeth Addysg Busnes gyda'n Gilydd. Gyda'n gilydd, rydym yn codi dyheadau ar draws Merthyr Tudful.

Diolch i'r holl gyflogwyr a ddaeth i'r digwyddiad ac a gyfrannodd at y gweithdai:

Diolch i'r holl gyflogwyr sydd wedi mynychu'r digwyddiad hefyd:

Dywedodd y Cynghorydd Geraint Thomas, Aelod Cabinet dros Addysg, "Roeddem yn falch o groesawu cymaint o gyflogwyr lleol a chenedlaethol i'r Ffair Yrfaoedd eleni a gweld cymaint o fyfyrwyr yn manteisio ar y cyfle i greu cysylltiadau amhrisiadwy. Roedd dangos i’r plant a phobl ifanc fanteision dysgu Cymraeg, a'r angen yn y gweithle, hefyd yn brofiad gwych iddyn nhw, yn ogystal â'n cefnogi ni fel Bwrdeistref i gyfrannu at filiwn o siaradwyr Cymraeg.

"Mae'r niferoedd anhygoel a welsom eleni yn dangos penderfyniad ein myfyrwyr ac rydym eisoes yn edrych ymlaen at y Ffair nesaf!"