Ydych chi'n ymwybodol o'r gyfraith ar E-Sgwteri?

Gyda'r Nadolig yn agosáu, ac e-sgwteri yn ymddangos ar nifer o restrau siopa, mae Cyngor Bwrdeistref Sirol Merthyr Tudful, Heddlu De Cymru, Gwasanaeth Tân ac Achub De Cymru a Diogelwch ar y Ffyrdd Cymru am sicrhau bod pawb yn deall y gyfraith a'r risgiau diogelwch.

Prif bwyntiau y dylech eu gwybod cyn prynu:

• Efallai fod e-sgwteri yn edrych yn hwyl ac yn ecogyfeillgar, ond ni ellir reidio e-sgwteri preifat yn gyfreithlon mewn mannau cyhoeddus yng Nghymru.

Mae hyn yn cynnwys ffyrdd, palmentydd, parciau a mannau cyhoeddus eraill. Dim ond ar dir preifat y gellir eu defnyddi a dim ond â chaniatâd y tirfeddiannwr.

• Nid oes treialon rhenti e-sgwteri cymeradwy yng Nghymru (yn wahanol i rai rhannau o Loegr).
  • Oherwydd bod e-sgwteri yn cael eu dosbarthu fel cerbydau modur, gallai unrhyw un sy'n cael ei ddal yn eu defnyddio mewn man cyhoeddus wynebu:
  • Dirwy o hyd at £300 am beidio â chael yswiriant
  • Chwe phwynt cosb ar eu trwydded yrru (gellir ychwanegu'r rhain yn nes ymlaen, hyd yn oed os nad oes gan y beiciwr drwydded eto)
  • Yr e-sgwter yn cael ei atafaelu gan yr heddlu

• Gall troseddau eraill hefyd fod yn berthnasol, fel eu defnyddio ar y palmant neu ddefnyddio ffôn symudol wrth reidio.

Y brif neges:

Peidiwch  â phrynu na gofyn am e-sgwter fel anrheg Nadolig oni bai ei  fod yn cael ei ddefnyddio yn gyfreithlon ac yn ddiogel ar dir preifat yn unig. Yn syml, nid yw' werth y risg – yn gyfreithiol, ariannol a phersonol.

Diolch am atgyfnerthu'r neges hon gartref a'n helpu i gadw’n plant a'n cymuned yn ddiogel.