Mae bellach yn sefyll yn falch wrth fynedfa'r parc.

Efallai bod rhai o drigolion gwaelod y cwm wedi sylwi bod arwydd newydd wedi'i osod wrth y fynedfa ym Mharc Taf Bargoed dros y penwythnos.

Cafwyd hyd i'r arwydd yn ddiweddar mewn storfa yn un o'n depos ac mae Warden Parc Taf Bargoed, Genevieve Sayer, wedi treulio oriau lawer yn adfer yr arwydd yn ofalus i'w gyflwr gwreiddiol. Mae bellach yn sefyll yn falch wrth fynedfa'r parc.

Dywedodd Arweinydd Tîm y Parciau, Barry Mason “Roeddem mor falch o allu adfer yr arwydd hardd hwn ac mae Genevieve wedi gweithio'n anhygoel o galed fel y gall sefyll yn falch wrth fynedfa'r parc gwych hwn, gan groesawu trigolion lleol ac ymwelwyr.”