A allech chi, neu rywun rydych chi'n ei adnabod, fod yn colli allan ar Gredyd Pensiwn?

A allech chi, neu rywun rydych chi'n ei adnabod, fod yn colli allan ar Gredyd Pensiwn?

Mae gormod o bobl ar draws Merthyr Tudful ac Aberdâr ar hyn o bryd yn colli allan ar Gredyd Pensiwn felly rydym yn annog unrhyw un dros oedran Pensiwn y Wladwriaeth i wirio eu cymhwysedd.

Mae Credyd Pensiwn yn rhoi arian ychwanegol i chi i'ch helpu gyda'ch costau byw ac, ar gyfartaledd, mae'n werth £3,900 y flwyddyn.

Os ydych yn gymwys i gael Credyd Pensiwn gallech hefyd gael cymorth arall, fel Taliad Tanwydd y Gaeaf, Gostyngiad Treth y Cyngor a help gyda chostau gwresogi, ymhlith pethau eraill.

Mae'r cais yn hawdd, felly byddem yn eich annog i wneud hyn drwy ymweld â www.gov.uk/pensioncredit

Hoffem hefyd annog unrhyw un sydd â ffrindiau neu aelodau o'r teulu dros oedran Pensiwn i'w helpu i wneud cais.

Mae ceisiadau'n cau ym mis Rhagfyr, felly rydym am gefnogi cymaint o'n trigolion â phosibl gyda hyn cyn y dyddiad cau.

Os na allwch wneud hyn ar-lein mae gennym staff ar gael yn Hyb Canol y Dref, Merthyr Tudful, yr wythnos hon o 10am – 3pm i'ch helpu gyda'r gwiriwr cymhwysedd a'r cais.

Ym Merthyr Tudful, bydd staff y Cyngor hefyd yn mynd allan i ardaloedd eraill o'r Fwrdeistref Sirol, gan gynnwys ardaloedd o waelod y cwm, i gyrraedd cymaint o bobl â phosibl.

Y cyfan sydd angen i chi ei wneud yw gwybod:

• Manylion eich cyfrif banc
• Gwybodaeth am Bensiwn y Wladwriaeth a/neu Breifat
• Rhif Yswiriant Gwladol
• ac unrhyw wybodaeth am gynilion, stociau, cyfranddaliadau neu fondiau a allai fod gennych

Ar gyfer hawliad ar y cyd, bydd angen y wybodaeth hon ar gyfer y ddau ymgeisydd.

Gallwch gael Credyd Pensiwn hyd yn oed os oes gennych incwm neu gynilion eraill neu os ydych yn berchen ar eich cartref eich hun, felly peidiwch â cholli'r cyfle hwn i wirio a ydych yn gymwys!