Datganiad y Cyngor ar Gastell Cyfarthfa

Mae’r Cyngor yn ymwybodol bod deiseb yn cylchredeg ar-lein i ‘achub Castell Cyfarthfa rhag cael ei ddinistrio’.

Cyflwynwyd adroddiad ar ailddatblygiad arfaethedig Castell Cyfarthfa i'r Cyngor Llawn ddydd Mercher 5 Chwefror, a oedd yn amlinellu cynlluniau ar gyfer dull graddol o adfer a chadw ffabrig yr adeilad, ac yn cynnwys gwybodaeth am y gwaith a wnaed hyd yma.

Rydym am roi sicrwydd i’r holl drigolion bod ailddatblygu’r castell yn flaenoriaeth i’r Cyngor. Mae hwn yn brosiect enfawr a fydd yn mynd rhagddo am nifer o flynyddoedd, ond rydym wedi ymrwymo i sicrhau bod y castell yn cael ei adfer a’i warchod yn llawn.

Rydym yn gweithio’n agos gyda Sefydliad Cyfarthfa i sicrhau’r cyllid sydd ei angen i sicrhau bod y castell yn parhau i fod yn esiampl o’r gorffennol ar gyfer cenedlaethau’r dyfodol.