Strategaeth Cyflenwad Dŵr Cwm Taf: Ymgynghoriad anstatudol: 10 Gorffennaf – 9 Medi 2024

Yn Dŵr Cymru, un o’n prif flaenoriaethau yw darparu cyflenwad dŵr o’r radd flaenaf i’n cwsmeriaid yn uniongyrchol i’w tapiau. Er mwyn sicrhau y gallwn barhau i wneud hyn, mae angen i ni nawr fuddsoddi mewn gweithfeydd trin dŵr newydd a chadarn a chyfleusterau cysylltiedig yn ardal Merthyr Tudful.

Yn 2022, gwnaethom ymgynghori â’r gymuned leol a rhanddeiliaid ar gynigion cynnar i adeiladu un gwaith trin dŵr newydd ger Pontsarn. Ers hynny, rydym wedi bod yn adolygu’r cynlluniau hyn ac wedi datblygu cynigion amgen. Rydym yn y cyfnod cynnar o’r gwaith dylunio, ac rydym yn awr yn cynnal ymgynghoriad anstatudol i rannu’r cynigion cynnar hyn a chael adborth gan y gymuned leol.

Rydym am roi rhagor o fanylion i chi ar sut y gallwch weld y cynigion hyn, rhannu eich adborth a hefyd gysylltu â ni gydag unrhyw ymholiadau sydd gennych.

Mae ein cynigion yn cynnwys:

• Uwchraddio gwaith trin dŵr presennol yn Llwyn-onn.
• Gwaith trin dŵr newydd ar dir ym Merthyr Tudful – Fferm Dan-y-Castell.
• Gorsaf bwmpio dŵr crai newydd ar ein gwaith trin dŵr presennol ym Mhontsticill.
• Piblinellau dŵr crai newydd neu wedi’u huwchraddio i gario dŵr o’r cronfeydd dŵr presennol i'r gwaith trin dŵr newydd.
• Pibellau dŵr wedi'i drin newydd neu wedi’u huwchraddio i gario dŵr wedi'i drin o'r gwaith trin dŵr newydd i'r rhwydwaith presennol ac ymlaen i gwsmeriaid.

 Gweld ein cynigion ar-lein: www.dwrcymru.com/strategaethcwmtaf

Rydym wedi creu ystafell arddangos rithwir – ar gael o 10 Gorffennaf i weld ein cynigion a rhannu eich adborth. Yma fe welwch fap rhyngweithiol a fydd yn eich galluogi i weld manylion y cynnig arfaethedig, gan gynnwys cynllun a seilwaith cysylltiedig, megis piblinellau.

Yn bersonol: Gallwch fynychu un o'n harddangosfeydd personol a siarad ag aelod o'r tîm.

• 19 Gorffennaf – 10:30am-7:00pm: Clwb Golff Merthyr Tudful, CF48 2NT
• 20 Awst – 11:00am-6:00pm Sefydliad Gellideg, Y Ganolfan Llesiant, CF48 1ND
• 3 Medi – 2:00pm-7:00pm Clwb Pêl-droed Tref Merthyr, CF47 8RF

Cysylltu â ni: Os na allwch weld ein harddangosfa ar-lein neu fynychu un o'n digwyddiadau, cysylltwch â ni ar cwmtafproject@dwrcymru.com neu ffoniwch 0800 052 0130 i drafod ffyrdd eraill o weld ein cynigion.

Unwaith y byddwch wedi gweld y cynigion, byddem yn croesawu eich adborth. Os oes gennych unrhyw ymholiadau pellach, mae croeso i chi gysylltu â ni gan ddefnyddio'r manylion uchod.

Ymgynghoriad anstatudol yw hwn ac fe'i cynlluniwyd i rannu â chi yr angen am y buddsoddiad, ein cynigion, a chael eich adborth ar y rhain cyn cynnal ymgynghoriad statudol, lle cewch gyfle eto i adolygu a rhoi sylwadau ar ein cynlluniau.

Yn gywir,
Ian Boothroyd
Pennaeth Cyflawni Rhaglenni Dŵr