Dirwyo Dogsden Day Care Ltd am hysbysebu camarweiniol

Dirwyo Dogsden Day Care Ltd a'i Gyfarwyddwr Julian Bones am hysbysebu camarweiniol, yn Llys Ynadon Merthyr yn dilyn ymchwiliad Safonau Masnach.

Ymddangosodd Julian Bones, Cyfarwyddwr Dogsden Day Care Ltd, yn Llys Ynadon Merthyr Tudful am wrandawiad ar Mai 8^fed 2024 lle gosodwyd cyhuddiadau yn erbyn y cwmni a Mr Bones.

Roedd ymchwiliad Adran Safonau Masnach CBS Merthyr Tudful yn canolbwyntio ar hysbysebu gwasanaethau gofal dydd cŵn a gynigir gan Dogsden Day Care Ltd. Gan ddefnyddio'r cyfryngau cymdeithasol a gwefan gwnaed honiadau a roddodd yr argraff bod y cwmni wedi cael trwydded i gyflawni ei weithgareddau gan yr awdurdod lleol pan nad oedd hyn yn wir yn ystod cyfnod yr ymchwiliad y llynedd.

Plediodd Bones a Dogsden Day Care Ltd yn euog i 8 trosedd o dan Reoliadau Diogelu Defnyddwyr rhag Masnachu Annheg 2008.

Derbyniodd y cwmni gosb ariannol gwerth cyfanswm o £2378 a oedd yn cynnwys dirwyon, costau a gordaliad. Derbyniodd Mr Bones gyfanswm cosb ariannol o £1210.

Daeth y Barnwr Rhanbarth a oedd yn llywyddu dros y gwrandawiad  i'r casgliad nad oedd yn drosedd fwriadol ond ei fod wedi digwydd trwy amgylchiadau ac anawsterau'r diffynnydd a pheidio â delio â materion fel y dylent.

Dywedodd Craig Rushton, Arweinydd y Tîm Safonau Masnach: "Mae'r erlyniad hwn yn anfon neges glir bod yn rhaid i fusnes fod yn ofalus ar sut maen nhw'n hysbysebu i beidio â chamarwain y cyhoedd. Os bydd amgylchiadau'n newid yna mae'n hynod bwysig bod unrhyw hyrwyddo gweithgareddau masnachol yn cael eu diweddaru yn unol â hynny, er mwyn peidio â bod yn gamarweiniol neu gall arwain at erlyniad."

Dywedodd y Cynghorydd Michelle Symonds, Aelod Cabinet Adfywio, Tai a Gwarchod y Cyhoedd "Mae preswylwyr yn dibynnu ar wybodaeth y maent yn ei darllen am nwyddau a gwasanaethau y maent yn eu prynu. Y dyddiau hyn gall hyn fod ar gyfryngau cymdeithasol, gwefan neu ar ddeunydd wedi ei argraffu. Rhaid i'r wybodaeth fod yn gywir, yn onest a heb fod yn gamarweiniol.  Lle nad yw hyn yn wir, bydd ein Gwasanaeth Safonau Masnach yn ymchwilio ac efallai y bydd busnesau yn cael eu hunain o flaen y llys os canfyddir bod unrhyw honiadau yn gamarweiniol".