Llwyddiant TGAU i bobl ifanc Merthyr Tudful

Mae pobl ifanc Merthyr Tudful wedi bod yn casglu eu canlyniadau TGAU heddiw -y garfan gyntaf i sefyll arholiadau ffurfiol ers 2019.  

Meddai Geraint Thomas, Arweinydd y Cyngor, “Roedd yn fraint ymweld â’r holl ysgolion uwchradd y bore yma a rhannu’r cyffro gyda’n pobl ifanc wrth iddynt dderbyn eu canlyniadau. Mae’r garfan hon wedi profi cymaint o aflonyddwch yn ystod y ddwy flynedd ddiwethaf, ac i gael Mae cyflawni'r hyn sydd ganddynt yn glod i'w gwytnwch ac i'r athrawon a'r rhieni sydd wedi eu cefnogi. Fe wnaethom gychwyn strategaeth Codi Dyheadau Codi Safonau yn hydref 2020 ac rydym yn falch o weld uchelgeisiau'r strategaeth hon eisoes yn dwyn ffrwyth."

Gwnaeth Sue Walker y Cyfarwyddwr Addysg sylw, “mae’r ddwy flynedd ddiwethaf wedi bod yn heriol i bawb, yn enwedig ein pobl ifanc, ac maent wedi gorfod wynebu cymaint o heriau wrth nid yn unig ddysgu sgiliau newydd yn eu pynciau ond hefyd, sut i gael mynediad at addysg. Maent yn haeddu ein llongyfarchiadau am eu dygnwch, cryfder a’u penderfyniad i gyflawni’r canlyniadau hyn heddiw.Hoffwn i ddiolch i’r staff yn yr ysgolion sydd wedi gweithio mor galed i gefnogi ein pobl ifanc a sicrhau eu bod yn derbyn y profiadau dysgu gorau posib dros y ddwy flynedd ddiwethaf.”

Nododd Michelle Jones Arweinydd Portffolio Addysg y Cyngor, “ Rydw i mor falch o weld canlyniadau da ein pobl ifanc, er heriau'r blynyddoedd diwethaf. Mae’n hyfryd gweld eu gwaith caled yn talu ar ei ganfed a dymunaf y gorau iddynt wrth fynd ymlaen at addysg bellach, gwaith neu hyfforddiant.”