Disgybl Ysgol Gynradd Goetre yn ennill cystadleuaeth bwyd a hwyl!

I nodi 10 mlynedd ers rhaglen gyfoethogi gwyliau ysgol anhygoel Llywodraeth Cymru, Bwyd a Hwyl, cafodd plant o ysgolion sy'n cyfranogi gyfle i fod yn greadigol a dylunio arwyddlun coffa.

Rydym yn falch iawn o gyhoeddi mai enillydd y gystadleuaeth wych hon yw’r disgybl talentog, Troy Powell, o Ysgol Gynradd Goetre ym Merthyr Tudful!

Derbyniodd y gystadleuaeth 169 o geisiadau trawiadol o bob cwr o Gymru; pob un yn arddangos dychymyg a sgil y dylunwyr ifanc. Gyda chymorth Yogi Communications, dewiswyd rhestr fer yn ofalus, a daeth y dyluniad buddugol yn fyw mewn fersiwn ddigidol syfrdanol a fydd yn cael ei ddefnyddio trwy gydol y flwyddyn gan y gymuned Bwyd a Hwyl.

Dywedodd yr Aelod Cabinet dros Addysg, y Cynghorydd Gareth Lewis: "Rydym yn falch iawn o weld creadigrwydd a thalent ein pobl ifanc yn disgleirio yn y gystadleuaeth hon. Mae Bwyd a Hwyl wedi bod yn drawsnewidiol i gymaint o blant yng Nghymru, gan ddarparu amgylchedd diogel a hwyliog iddynt yn ystod gwyliau'r ysgol. Mae'r garreg filltir hon yn dyst i lwyddiant y rhaglen, ac rydym yn ddiolchgar i bawb a gymerodd ran, yn enwedig ein disgyblion anhygoel a wnaeth y gystadleuaeth hon mor arbennig."

"Rydyn ni wrth ein bodd i gael enillydd o'n hardal leol," ychwanegodd y Cynghorydd Gareth Lewis. "Mae'n gyflawniad gwych, ac ni allwn aros i weld yr arwyddlun buddugol ar waith. Mae'r gystadleuaeth hon nid yn unig wedi dathlu 10 mlynedd ers Bwyd a Hwyl ond hefyd wedi tynnu sylw at dalent a chreadigrwydd anhygoel ein pobl ifanc. Rydyn ni mor falch o bob un ohonynt!” 

Ychwanegodd Fairyal Pabani, Rheolwr Arlwyo Ysgolion ac Arweinydd Bwyd a Hwyl: “Rwyf wrth fy modd ac mor falch o gyflawniad Troy. Bydd yn Haf cofiadwy a hyfryd iawn gallu defnyddio arwyddlun buddugol Merthyr Tudful! Da iawn Troy!!”