Datganiad yr Arweinydd ar y Gyllideb a’r Dreth Gyngor

Ddydd Mercher Chwefror 26^ain 2025, bydd adroddiad yn mynd i gyfarfod arbennig o’r Cyngor Llawn gyda chynnig i gynyddu Treth y Cyngor ym Merthyr Tudful 5.5% ar gyfer Blwyddyn Ariannol 2025/26.

Dywedodd y Cynghorydd Brent Carter, Arweinydd y Cyngor: “Ers ein diweddariad cyllidebol diwethaf ar Chwefror 4^ydd, mae Aelodau’r Cabinet wedi parhau i weithio gyda’r Cyfarwyddwr Cyllid a Swyddogion eraill y Cyngor ar y broses o osod y Gyllideb a Threth y Cyngor, i sicrhau bod unrhyw gynnydd yn cael ei gadw i’r lleiafswm.

“Yn ystod ein proses ymgynghori ar y gyllideb fe wnaethom ofyn i drigolion am eu barn ar flaenoriaethau gwasanaeth a gosod Treth y Cyngor, pan ddewisodd 64% o bobl gynnal gwasanaethau, hyd yn oed os yw'n golygu cynnydd yn Nhreth y Cyngor. Roedd hyn yn amhrisiadwy o ran ein helpu i wneud penderfyniad gwybodus ar ble y dylid gosod y cynnig.

“Yn ein diweddariad diwethaf fe wnaethom amcangyfrif y gallai’r cynnydd fod hyd at 6% fodd bynnag, mae’r cynnig bellach yn 5.5%, sy’n golygu y byddai cartref Band A yn talu £1.40 yn ychwanegol yr wythnos, a byddai cartref Band D yn talu £2.09 ychwanegol yr wythnos.

“Bydd pob un o’r 30 aelod etholedig yn cael cyfle i bleidleisio ar y cynnig hwn yng nghyfarfod arbennig y Cyngor Llawn yr wythnos nesaf.”