Merthyr Tudful ar fin dathlu gŵyl fwyaf Diwrnod y Llyfr yn y DU!

Merthyr Tudful ar fin dathlu gŵyl fwyaf Diwrnod y Llyfr yn y DU!

Byddwch yn barod am ddathliad llenyddol i’w chofio wrth i Ŵyl Gelfyddydau a Llenyddiaeth Merthyr Tudful ddychwelyd ddydd Iau, Mai 1af, rhwng 9am a 3pm, yn cael ei gynnal gan Ymddiriedolaeth Elusennol Stephens a George mewn partneriaeth â Chyngor Bwrdeistref Sirol Merthyr Tudful.

Nawr yn ei wythfed flwyddyn, mae'r digwyddiad rhad ac am ddim, sy'n addas i deuluoedd yn croesawu dros 4,000 o blant am ddiwrnod llawn llyfrau, creadigrwydd, diwylliant a llawenydd cymunedol.

Eleni, mae tîm Cynyrchiadau Drama BBC Studios yn ymuno â'r hwyl, ochr yn ochr â sêr o Pobol y Cwm a Casualty. Peidiwch â cholli Pabell Yrfaoedd y BBC a'r Profiad 'GET IN', sy'n cynnig cipolwg ymarferol ar yrfaoedd yn: Newyddiaduraeth; Digidol a Thechnoleg; Busnes; Cynhyrchiad; Peirianneg a mwy

Uchafbwyntiau'r Ŵyl:

• 9:30am – Gorymdaith o dros 3,500 o blant mewn gwisg draddodiadol Gymreig
• 10:00am – Agoriad mawreddog yn Eglwys Dewi Sant
• 200+ o weithdai creadigol yn cynnwys Sean Conway, Tim Price awdur NYE, y gantores Bronwen Lewis, Floyd Woodrow, a mwy
• Adloniant drwy'r dydd: cerddwyr stilt, flash mobs, hebogyddiaeth, corau ysgol, reidiau vintage, Chitty Chitty Bang Bang, James and the Giant Peach
• 100+ o stondinau gyda bwyd, crefftau, llyfrau ac anrhegion

Thema eleni yw: "Mae Cymru yn Wych – Gallwch Gyflawni" sy'n canolbwyntio ar ddathlu diwylliant Cymru a photensial diderfyn pob person ifanc.

Mae lleoliadau canol y dref yn cynnwys: Eglwys Hope, Soar, Gwesty’r Castell, The Tiger Inn, Byddin yr Iachawdwriaeth, Eglwys y Bedyddwyr y Stryd Fawr, Eglwys Dewi Sant, Tydfil Training, GGMT/VAMT, Y Llyfrgell, ynghyd â dros 10 pabell fawr.

Am ragor o wybodaeth, cysylltwch â:

Helen Hughes – helen.hughes@stephensandgeorge.co.uk
Fleur – charity1@stephensandgeorge.co.uk