Diweddariad Nant Morlais:

Mae gwaith yn mynd rhagddo i lenwi'r gwagle yn Nant Morlais.

Mae pibell ddur 6 troedfedd wedi'i gosod yn y cwlfert presennol i gynnal llif unrhyw ddŵr gorlif sy'n mynd drwyddi.

Mae contractwyr bellach ar y safle yn gwneud gwaith dros dro i lenwi'r twll â cherrig.

Mae cyfleustodau wedi'u hadfer i rai eiddo, felly mae'r preswylwyr hynny wedi cael symud yn ddiogel yn ôl i'w cartrefi heddiw.

Rydym yn gweithio gyda chwmnïau cyfleustodau i adfer cyflenwadau i’r eiddo sy’n weddill unwaith y bydd y twll wedi’i lenwi, a phan wneir hyn bydd y preswylwyr sy’n weddill hefyd yn gallu symud yn ôl adref yn ddiogel. Rydym yn rhagweld y bydd hyn rywbryd yr wythnos nesaf.