Cyflwyno cais cynllunio ar gyfer gwelliannau i'r Stryd Fawr Isaf

Mae'r datblygiadau yn rhan o Uwchgynllun Canol y Dref i wella'r cysylltedd rhwng gorsafoedd rheilffordd a bysiau Merthyr Tudful, gan greu canolfan drafnidiaeth fwy modern a chyfleus sy'n cysylltu'n uniongyrchol â'r stryd fawr a gwella'r profiad i gymudwyr ac ymwelwyr.

Roedd y tri adeilad a gynhwyswyd yn y cais yn gartref i'r manwerthwyr Peacocks, Moniques a'r Groes Goch gynt.

Mae contractwyr dymchwel wedi sicrhau'r adeiladau ac wedi creu ardal waith ddiogel i baratoi ar gyfer y gwaith. Ar hyn o bryd mae'r Grid Cenedlaethol ar y safle yn cwblhau gwaith i adleoli eu his-orsaf.

Dywedodd y Cynghorydd Jamie Scriven, Aelod Cabinet dros Adfywio: "Bydd dymchwel yr adeiladau yn gwneud lle ar gyfer datblygiadau yn y dyfodol i'r stryd fawr isaf. Bydd hefyd yn creu man cyhoeddus modern, gwell sy'n gwella'r cysylltiadau rhwng yr orsaf reilffordd, gorsaf fysiau, a chanol y dref."

Yn amodol ar gymeradwyaeth cynllunio, bydd y gwaith o ddymchwel yr adeiladau yn dechrau yn y gwanwyn. Yna, bydd yr ardal yn cael ei gwneud yn ddiogel yn barod ar gyfer gwaith yn y dyfodol i wella'r gofod.