Ar-lein, Mae'n arbed amser
CYNLLUN ADFER FFORDD PONTSTICILL
- Categorïau : Press Release
- 24 Medi 2026
Mae cynllun wedi'i ddylunio a'i gytuno yn bennaf gan Dŵr Cymru, Cyfoeth Naturiol Cymru, a'r perchnogion tir preifat perthnasol. Mae proses dendro lwyddiannus hefyd wedi'i chwblhau ac mae'r contract wedi'i ddyfarnu i Alun Griffiths (Contractors) Limited.
Bydd y gwaith yn cynnwys y canlynol:
- Amnewid a chryfhau trawstiau ymyl y ffordd.
- Codi ac ailadeiladu'r gerbytffordd i hwyluso sianeli draenio newydd.
- Adeiladu llethr pridd wedi'i atgyfnerthu a seilwaith draenio cysylltiedig.
- Gosod rhaeadrau cerrig bloc i reoli rhedeg dŵr wyneb a ffurfioli'r sianeli serth presennol.
- Amnewid tyllau archwilio a osodwyd uwchben ardal y tirlithriad.
- Gosod pum cwlfer priffyrdd newydd i ddisodli'r cwlferi presennol sydd wedi'u difrodi islaw Heol Pontsticill.
Er mwyn galluogi'r gwaith hwn i gael ei wneud yn ddiogel, bydd angen i Heol Pontsticill aros ar gau yn ystod cyfnod yr adeiladu. Disgwylir i'r gwaith ddechrau’r wythnos yn dechrau ar 28 Medi 2026 a disgwylir ei gwblhau erbyn diwedd mis Mawrth 2027.
Bydd diweddariadau pellach yn cael eu darparu dros y misoedd nesaf i'ch hysbysu am gynnydd.
Rydym yn ymddiheuro am unrhyw anghyfleustra a achoswyd a diolch i chi am eich amynedd, eich dealltwriaeth a'ch cydweithrediad parhaus wrth i'r gwaith hanfodol hyn gael ei wneud.