Disgyblion cynghorau ysgol yn cwestiynu Cynghorwyr ar faterion lleol

Yn ddiweddar, cynhaliodd Cynghorwyr sesiwn gyfarfod rithwir gyda disgyblion cynghorau ysgol o Gynradd Bedlinog a Gynradd Trelewis.

Bu Jacob, Rhys, Charlie a Lacey yn holi aelodau’r Cabinet ar faterion amgylcheddol yn ardal eu hysgol ac yn pwyso am atebion ar yr hyn y gellid ei wneud. Roedd y cyfarfod hefyd yn cynnwys sesiwn holi ac ateb yn gofyn i’r Cynghorwyr am eu rolau a’r hyn y mae’n ei olygu.

Dywedodd Malcolm Colbran, Maer a Chynghorydd Bedlinog: “Rwy'n credu ei bod yn bwysig iawn i Gynghorwyr ymgysylltu â phobl ifanc a gwrando ar eu barn felly cynhaliais i fy hun ac aelodau Cabinet MTCBC gyfarfod rhithwir yn ddiweddar gydag aelodau Cyngor Ysgol Bedlinog a Trelewis.”

“Fe allwn i ddweud bod y disgyblion wedi rhoi llawer o waith yn eu hymchwil, ac fe ofynnon nhw gwestiynau rhagorol i ni. Fe wnaethom ni i gyd fwynhau'r cyfarfod yn fawr, ac roedd yn wych gweld y myfyrwyr yn cymryd diddordeb mor frwd mewn materion lleol. ”

Codwyd materion gan Ysgol Gynradd Trelewis ynghylch y sbwriel sy'n effeithio ar nant gyfagos y mae'n rhaid i'r plant ei chroesi i gyrraedd yr ysgol. Siaradodd ysgol Bedlinog am ei llwybr ir ysgol ar ffensys sydd wedi'u difrodi a llanast cŵn ar draws y llwybr.

Dywedodd y Cynghorydd David Hughes, Aelod Cabinet dros Wasanaethau Cymdogaeth, Cynllunio a Chefn Gwlad: "byddai'n cyfarfod â'r prif swyddog i siarad am roi llwybr diogel yn yr ardal hon a byddai hefyd yn gwneud popeth o fewn ei allu i ddelio â'r broblem sbwriel."

Dywedodd y Dirprwy Arweinydd, y Cynghorydd Geraint Thomas, Aelod Cabinet Adfywio, Trawsnewid a Masnacheiddio: "byddai'n gweithio'n agos gyda'r Cynghorydd Hughes wrth geisio cael llwybr diogel i'r ysgol a'i fod yn obeithiol ei fod yn rhywbeth y gallent ei ddatrys rhyngddynt."

Gwnaeth ansawdd y cwestiynau a ofynnwyd gan y plant argraff fawr ar y Cynghorwyr yn y cyfarfod a chytunwyd yn gryf bod gan y disgyblion bob hawl i siarad am y materion hyn. Cytunwyd y byddai angen ymweliad brys.

Dywedodd y Cynghorydd Lisa Mytton, Arweinydd y Cyngor a'r Aelod Cabinet dros Addysg: "Rwy'n caru ac yn croesawu'r cyfle i siarad â'n cynghorau ysgol ac mae'r plant wir yn ein rhoi yn y fan a'r lle yn gofyn rhai o'r cwestiynau anoddaf, mae'n rhan bleserus o'r rôl ac yn rhoi cyfle i ni dderbyn eu ceisiadau a gweithredu, gobeithio, oherwydd y cyfarfodydd"

Roedd y cyfarfod rhithwir yn brofiad rhagorol i’r myfyrwyr ddysgu am sut mae’r cyngor yn gweithio, ond roedd hefyd yn caniatáu i’r Cynghorwyr ddeall y materion yn well trwy wrando ar brofiadau’r disgyblion hyn.