Ar-lein, Mae'n arbed amser
Datganiad ar sefyllfa bresennol y Cyngor ar Ffos-Y-Fran
- Categorïau : Press Release
- 31 Mai 2023
Datganiad ar sefyllfa bresennol y Cyngor ar Ffos-Y-Fran:
Gorfodi
Ddydd Mercher Mai’r 24ain 2023, yn dilyn cyngor cyfreithiol annibynnol, cyhoeddwyd Gorchymyn Gorfodaeth ar Merthyr (De Cymru) Cyf a phobl eraill sydd a diddordeb yn y tir yn Ffos-Y-Fran. Mae’r hysbysiad yn gofyn am y canlynol:
(i) Atal tynnu glo o’r tir.
(ii) Atal gwaith datblygu ar y tir o dan amodau’r caniatad cynllunio a dderbyniawy ar Fai 6 2011, ond am waith adfer a gymeradwywyd.
Bydd yr hysbysiad yn dod i rym ar Fehefin 27ain 2023 ( mae angen cyfnod statudol o 28 diwrnod) oni bai bod apel yn cael ei gyflwyno i’r Arolygydd Cynllunio cyn y dyddiad hwn.
Unwaith y daw’r hysbysiad i rym, mae gan y datblygwr 28 diwrnod i gydymffurfio. Bydd methu gwneud hyn yn gallu arwain at gynnydd pellach yn y camau gorfodi.
Adfer
Mae’r Cyngor mewn trafodaethau cynnar gyda’r datblygwr i ystyried strategaeth adfer wedi ei diweddaru.
Digwyddiad motocross
Tynnwyd ein sylw yn ddiweddar at y ffaith bod digwyddiad Motocross i’w gynnal ar safle Ffos-Y-Fran y penwythnos hwn (3 a 4 Mehefin).
Mae defnydd dros dro o’r tir ar gyfer rasio cerbydau yn dod o fewn ‘Datblygiad a Ganiateir’ (sy’n golygu nad oes angen caniatâd cynllunio) am gyfnod o hyd at 14 diwrnod y flwyddyn galendr.
Er nad oes gan y Cyngor unrhyw reolaeth dros y digwyddiad oherwydd ei fod yn cael ei gynnal ar dir preifat, rydym yn cysylltu â’r trefnwyr i edrych arno o safbwynt y gwasanaethau brys ac rydym yn cysylltu â’r Heddlu, y Gwasanaethau Ambiwlans a Thân i sicrhau ymateb aml-asiantaeth. .
Mae'r trefnwyr yn disgwyl 280 o reidwyr a dros 500 o wylwyr. Mae mesurau traffig yn cael eu rhoi ar waith i osgoi unrhyw draffig o gwmpas y safle.
Mae rhagor o wybodaeth am y digwyddiad ar gael yma: