Mae y digwyddiad clybio yn ystod y dydd gan Vicky McClure, Jonny Owen a Reverend & The Makers yn dychwelyd i Ferthyr Tudful ddydd Sadwrn 28 Mehefin 2025 ar gyfer Dathliad Parti Haf yn Sgwâr Penderyn.

Pam aros tan y nos i fwynhau dawnsio.

Paratowch am ddiwrnod bythgofiadwy wrth i DAY FEVER, Cyngor Bwrdeistref Sirol Merthyr Tudful, ac Arena Projects ymuno i ddod â'r  PARTI HAF DAY FEVER gorau i chi  yng nghanol tref Merthyr Tudful ar Sgwâr Penderyn!

Wedi'i gyflwyno gan Ŵyl Redhouse, mae'r extravaganza undydd hwn yn addo holl egni gŵyl haf gydag ychydig o sypreis cyffrous. Ar gyfer y digwyddiad unigryw hwn, mae DAY FEVER yn trawsnewid yn ddathliad awyr agored epig, llawn perfformiadau byw, naws leol, a syrpreis anhygoel.

Mae'r lineup yn chwedlonol: Byddwch yn barod i ddawnsio gyda'r eicon o'r 80au Tiffany, fydd yn perfformio ei chlasur "I Think We're Alone Now" a chaneuon eraill. Ond dim dechrau ydyn ni. Yn ymuno â Tiffany ar y llwyfan mae Bradley o S Club 7 ac Amelle o Sugababes,  fydd yn dod dod â'u hits o frig y siartiau a'u hegni heintus i gadw'r parti i fynd drwy'r dydd.

Ond nid dyna'r cyfan – bydd yr Ŵyl Ymylol hefyd yn goleuo canol y dref gyda digwyddiadau cyffrous, yn arddangos y gorau o dalent leol ac yn ychwanegu at hwyl yr haf!

Dim ond £20 (+SBF) yw'r tocynnau – ond brysiiwch, mae disgwyl iddyn nhw werthu'n gyflym. Bydd tocynnau ar werth am 10:00 AM ddydd Mercher 16 Ebrill trwy Day-Fever.com a Seetickets.com. Peidiwch â cholli'ch cyfle i fod yn rhan o ddigwyddiad haf mwyaf y dref!

Dywedodd y Cynghorydd Brent Carter, Arweinydd Cyngor Bwrdeistref Sirol Merthyr Tudful: "Mae wedi bod yn angerdd i mi ddod â rhywbeth arbennig fel hyn i Ferthyr Tudful. Roeddwn i wir eisiau dod â rhywfaint o lawenydd, hwyl a chwerthin yn ôl i'n tref, felly pan gododd y cyfle i gydweithio gyda Jonny a Vicky o Day Fever, ac Arena Projects, ni allwn ei wrthod. 

"Rwy'n falch iawn ein bod wedi gallu sicrhau'r digwyddiad hwn ar gyfer Sgwâr Penderyn yr haf hwn. I mi, roedd gwerth am arian yn hanfodol, ac roedd yn rhaid i ni wneud yn siŵr bod hwn yn ddigwyddiad a oedd yn mynd i fod yn fforddiadwy i bawb, felly rwy'n gobeithio bod pris y tocynnau yn adlewyrchu hyn.

"Mae Merthyr Tudful yn haeddu gŵyl gerddoriaeth, a gobeithio mai dyma ddechrau gŵyl flynyddol – o bosibl hyd yn oed gŵyl benwythnos – i'n tref. Gadewch i ni ei wneud yn ddigwyddiad i'w gofio!"

Dywedodd Jonny Owen o DAY FEVER, "Rydym yn falch iawn o ddod â Day Fever fel gŵyl i fy nhref enedigol, Merthyr Tudful yr haf hwn. Mae gennym un yn ein holl ddinasoedd enedigol, Sheffield a Nottingham, felly mae Merthyr yn cwblhau'r hat-tric i ni.

"Byddwn yn dod â pharti mwyaf yn ystod y dydd yn y DU y tu allan i'r eiconig Redhouse i Sgwâr Penderyn. Rydyn ni i gyd yn gwybod y bydd pobl Merthyr yn ei wneud yn ddiwrnod a nos wych."