Y newyddion diweddaraf am Ganolfan Gymunedol Aberfan

Ym mis Mai fe wnaeth y Cyngor ymrwymo i gytundeb gydag Ymddiriedolaeth Hamdden Merthyr Tudful i feddiannu a rhedeg gwasanaethau dros dro yng Nghanolfan Gymunedol Aberfan a Merthyr Vale.

Daw'r cytundeb hwn i ben ar Awst 1^af 2024.

Rydym bellach yn ceisio gweithio gyda'r Ymddiriedolaeth a'i hymarferydd ansolfedd i ymestyn y trefniant hwnnw fel y gallwn barhau i weithredu gwasanaethau yn y ganolfan.

Rydym wedi ymgysylltu â'n Haelod Seneddol lleol, Gerald Jones, a'n Aelod Senedd lleol, Dawn Bowden, i gael cyngor ar ffordd ymlaen gyda'r Comisiwn Elusennau i sicrhau dyfodol tymor hir y ganolfan.

Dywedodd Arweinydd y Cyngor, y Cynghorydd Geraint Thomas: “Mae’r Cyngor wedi, a bydd yn parhau i wneud popeth o fewn ei allu i gynnal darpariaeth gwasanaeth yn ganolog, fodd bynnag, mae angen cydweithrediad yr Ymddiriedolwyr a’r ymarferydd ansolfedd i ganiatáu i ni wneud hynny ar hyn o bryd.”

Byddwn yn parhau i ddarparu diweddariadau fel y bydd gwybodaeth gennym ni.