Merched Blwyddyn 8 wedi'u hysbrydoli ar Ddiwrnod Rhyngwladol y Merched – Rhoi i Ennill

Ddydd Gwener, 6 Mawrth cynhaliodd y Bartneriaeth Busnes ac Addysg Gyda'n Gilydd (BETP) ddigwyddiad pwerus i ddathlu Diwrnod Rhyngwladol y Merched: Rhoi i Ennill, gan groesawu 100 o ferched Blwyddyn 8 am ddiwrnod sydd wedi'i gynllunio i ennyn chwilfrydedd, agor drysau a chodi dyheadau. Daeth y digwyddiad â menywod eithriadol o bob cwr o Gymru a thu hwnt ynghyd; pob un yn cynnig eu hamser, eu harbenigedd a'u straeon personol i ysbrydoli'r genhedlaeth nesaf.

Dechreuodd y diwrnod gyda phrif araith egnïol gan Rhuanedd Richards, Pennaeth BBC Cymru a anogodd ddisgyblion i gredu yn eu potensial a cofleidio cyfleoedd newydd. Trwy gydol y dydd, cymerodd y disgyblion ran mewn cyfres o weithdai diddorol gan gynnwys gweithgareddau STEM ymarferol, tasgau Dylunio Creadigol, Rhifedd a Llythrennedd Ariannol a ddarperir gan bartneriaid gan gynnwys Morgan Sindall, Tilbury Douglas, Prifysgol De Cymru, Ysgol Pensaernïaeth Cymru a Cymdeithas Adeiladu Sir Fynwy.

Dywedodd yr Aelod Cabinet dros Addysg, y Cynghorydd Gareth Lewis: “Anogwyd disgyblion i ddilyn eu breuddwydion, dewis pynciau maen nhw’n eu mwynhau a pheidio ag ofni rhoi cynnig ar rywbeth newydd. Roedd y gweithdai hyn yn caniatáu i fyfyrwyr nodi meysydd twf ynddynt eu hunain wrth eu helpu i ddatblygu sgiliau a fydd yn eu cefnogi mewn dysgu a bywyd. Helpodd y mewnwelediadau gonest, yr anogaeth bwerus a’r straeon o’r byd go iawn y disgyblion i weld y nifer o lwybrau sydd ar gael iddynt.”

Un o uchafbwyntiau'r digwyddiad oedd y Panel Holi ac Ateb Llysgennad, lle gofynnodd myfyrwyr eu cwestiynau eu hunain i gasgliad trawiadol o weithwyr proffesiynol. Rhannodd aelodau'r panel eu profiadau, eu heriau a'u cyngor yn hael, gan gynnig cipolwg go iawn i ddisgyblion ar deithiau gyrfa amrywiol a gwerth chweil. 

Dangosodd y digwyddiad bŵer cydweithredu rhwng ysgolion, partneriaid diwydiant ac arweinwyr cymunedol. Gyda'i gilydd, fe wnaethant ddangos bod gan pob disgybl y potensial i freuddwydio'n fawr a chyflawni mwy. Trwy gysylltu pobl ifanc â modelau rôl ysbrydoledig a chyfleoedd go iawn, anogodd y digwyddiad i’r myfyrwyr weld y tu hwnt i gyfyngiadau, cofleidio eu doniau, a chymryd camau hyderus tuag at ddyfodol mwy disglair.