Urddo Maer Ieuenctid 2026

Ar ddydd Gwener 5 Mehefin 2026, cynhaliwyd urddo'r Maer Ieuenctid newydd yn Swyddfa Gofrestru Merthyr Tudful mewn seremoni breifat. Penodwyd Cian Evans, myfyriwr 19 oed o Goleg Merthyr, yn 16eg Maer Ieuenctid Merthyr Tudful, a chamodd Jack Howells, myfyriwr 14 oed o Ysgol Uwchradd Cyfarthfa, i rôl y Dirprwy Faer Ieuenctid.

Yn dilyn y seremoni swyddogol, cynhaliwyd dawns Gala y Maer Ieuenctid yng Nghlwb Golff Castell Morlais lle roedd yr ystafell a'r bwrdd yn adlewyrchu natur hwyliog a chynhwysol Cian.

Yn ei araith dderbyn, mynegodd y Maer Ieuenctid, Cian Evans, ei ddiolchgarwch i bobl ifanc Merthyr Tudful am y cyfle i'w cynrychioli ac amlinellodd ei addewidion allweddol ar gyfer ei dymor yn y swydd; cefnogi pobl mewn angen, gan gynnwys y rhai sy'n profi digartrefedd neu'n dibynnu ar fanciau bwyd a chryfhau cefnogaeth i unrhyw un sy'n wynebu heriau iechyd meddwl. Roedd ei ymroddiad i hyrwyddo cynhwysiant teg i bob person ifanc yn ymddangos yn gryf yn ei araith, gan ennill parch iddo gan ei gyfoedion a'r gymuned ehangach.

Ar ran y Maer Ieuenctid, y Dirprwy Faer Ieuenctid a'r Cabinet Ieuenctid hoffem ddiolch i bawb a fynychodd yr achlysur gwych hwn am eu cefnogaeth barhaus. Edrychwn ymlaen at weld y pethau gwych rydyn ni'n gwybod y bydd y ddau berson ifanc newydd hyn yn eu cyflawni ac edrychwn ymlaen at rannu eu cyflawniadau gyda chi.

_________________________________________________________________________

Os hoffech ragor o wybodaeth am y digwyddiad, cysylltwch â'r Swyddogion Cyfranogiad Cymorth Ieuenctid, Emma Bagnall (eb@smt.org.uk) neu Morgan Ellis (me@smt.org.uk) yn Safer Merthyr Tudful neu cysylltwch â ni drwy ein tudalen Facebook @MTYouthforum, Instagram neu Twitter.

Gweithio mewn partneriaeth â Gwasanaeth Ieuenctid CBSMT