Ehangu prydau ysgol am ddim i ddisgyblion uwchradd mewn aelwydydd sy'n derbyn credyd cynhwysol

Mae'n bleser gan Gyngor Bwrdeistref Sirol Merthyr Tudful gyhoeddi bod Llywodraeth Cymru (LlC) yn cyflwyno ehangu Prydau Ysgol Am Ddim i ddisgyblion ysgolion uwchradd mewn aelwydydd sy'n derbyn Credyd Cynhwysol (UCFSM).

Mae'r ehangiad hwn yn berthnasol i deuluoedd sy'n derbyn Credyd Cynhwysol ond nad oeddent yn gallu cael mynediad at Brydau Ysgol Am Ddim oherwydd nad oeddent yn bodloni'r trothwy incwm presennol ar gyfer Prydau Ysgol Am Ddim.

I fod yn gymwys ar gyfer UCFSM, rhaid i rieni neu ofalwyr fod yn derbyn Credyd Cynhwysol.

Bydd ceisiadau ar gyfer disgyblion ym Mlynyddoedd 7 ac 8 y mae eu rhieni neu ofalwyr yn derbyn Credyd Cynhwysol yn agor o ddydd Llun 14 Medi, gyda'r cyflwyniad graddol wedi'i amlinellu isod.

Amserlen Cyflwyno

• 14 Medi: Ceisiadau ar agor i ddisgyblion Blynyddoedd 7 ac 8.
• 21 Medi: Gall disgyblion cymwys Blwyddyn 7 ddechrau cael mynediad at brydau ysgol am ddim.
• Ar ôl hanner tymor mis Hydref: Bydd y cynllun yn cael ei ymestyn i ddisgyblion cymwys Blwyddyn 8.

Ar hyn o bryd, nid yw'r Cyngor wedi derbyn cadarnhad gan LlC o unrhyw gynlluniau i ymestyn y cynllun i ddisgyblion Blwyddyn 9 yn ystod y flwyddyn ariannol hon. Byddwn yn rhoi diweddariadau pellach ar y cyflwyniad i grwpiau blwyddyn eraill wrth i ragor o wybodaeth ddod ar gael.

Pwy sydd angen gwneud cais?

Dylai rhieni a gofalwyr sy'n derbyn Credyd Cynhwysol ac nad yw eu plant ym Mlynyddoedd 7 ac 8 yn derbyn prydau ysgol am ddim ar hyn o bryd gyflwyno cais.

Gellir gwneud ceisiadau drwy: Gwneud cais am brydau ysgol am ddim | Cyngor Bwrdeistref Sirol Merthyr Tudful

Unwaith y bydd cymhwysedd wedi'i gadarnhau, bydd rhieni/gofalwyr ac ysgolion yn cael eu hysbysu.

Pryd fydd prydau ysgol am ddim yn dechrau?

Ar ôl cadarnhau hawl, bydd disgyblion yn gallu cael mynediad i'w hawl i Brydau Ysgol am ddim o fewn pum diwrnod ysgol.

Mae hyn yn caniatáu digon o amser i ysgolion a gwasanaeth arlwyo'r Cyngor wneud y diweddariadau a'r trefniadau system angenrheidiol.

Defnyddio'r hawl

Gellir defnyddio'r hawl i Brydau Ysgol Am Ddim Credyd Cynhwysol (UCFSM) yn ystod y canlynol:

• Egwyl ganol bore
• Amser cinio

Dyma'r un trefniant sydd ar waith ar hyn o bryd ar gyfer disgyblion sy'n derbyn Prydau Ysgol Am Ddim drwy brawf modd.

Cefnogi Disgyblion a Theuluoedd

Rydym yn annog pob rhiant a gofalwr disgyblion ym Mlynyddoedd 7 ac 8 sy'n derbyn Credyd Cynhwysol, ond nad ydynt ar hyn o bryd yn gymwys i gael Prydau Ysgol am Ddim drwy brawf modd i gyflwyno cais cyn gynted â phosibl.

Am ragor o wybodaeth, cysylltwch â FSMApply@merthyr.gov.uk