Ar-lein, Mae'n arbed amser
Gorfodi'r gwaharddiad ysmygu
Daeth y gwaharddiad ysmygu mewn mannau cyhoeddus caeedig a cherbydau i rym yng Nghymru ar 2 Ebrill 2007 ac mae’r gyfraith yn berthnasol i bob man cyhoeddus caeedig a cherbyd gwaith gan gynnwys cerbydau trafnidiaeth gyhoeddus. Gwnaed y gyfraith oherwydd bod mwg ail law yn niweidiol i iechyd pobl.
Mae’r gyfraith hefyd yn cynnwys mannau cyhoeddus sy’n 'sylweddol gaeedig'. Mae rhagor o gyngor ar ystyr hyn ar gael gan Adran Iechyd y Cyhoedd.
Rhaid i bobl sy’n gyfrifol am ardaloedd caeedig a cherbydau atal ysmygu yma. Mae taflen cyngor penodol ar gael i wasanaethau tacsi sydd ar gael trwy glicio ar y ddogfen ar ochr dde’r dudalen hon.
Mae swyddogion gorfodi awdurdodedig y Cyngor yn monitro’r gwaharddiad ymhob man caeedig a sylweddol gaeedig yn ogystal â cherbydau er mwyn diogelu iechyd y cyhoedd.
Y dirwyon uchaf yn sgil erlyniad yw:
- Ysmygu mewn man di-fwg £200 ar y mwyaf
- Methu ag atal ysmygu mewn man di-fwg £2500 ar y mwyaf
- Rhwystro swyddog gorfodi’n fwriadol £1000 ar y mwyaf
Bydd cosb benodedig o £50 i unrhyw un sy’n ysmygu mewn adeilad di-fwg.
Gall unrhyw un sy’n dymuno rhoi’r gorau i ysmygu gysylltu â Dim Smygu Cymru ar 0800 085 2219.