Trwydded wenwynau

Cofrestru Gwenwyn

Caiff manwerthu gwenwyn ei reoli gan Ddeddf Wenwynau 1972. Mae Gorchymyn Rhestr Wenwynau 1982 yn cynnwys rhestr o wenwynau sy’n gynwysedig yn y Ddeddf Wenwynau. Mae Rhan I y rhestr yn cynnwys gwenwynau y gellir ddim ond eu gwerthu gan fferyllydd cofrestredig. Mae Rhan II y rhestr yn cynnwys y gwenwynau na ellir eu gwerthu oni bai eich bod wedi cofrestru i wneud hynny â’ch Awdurdod Lleol.

Cofrestru ar gyfer Gwerthu Gwenwyn Di-Feddygol

Cyn gwerthu gwenwynau a restrir yn Rhan II Y Ddeddf Wenwynau rhaid gwneud cais i’r Cyngor i gael eich gosod ar restr y personau a all werthu gwenwynau Rhan II.

Ceir ffi ymgeisio sy’n rhaid ei dalu ar adeg gwneud y cais. Ar hyn o bryd, £30.80 yw’r ffi ar gyfer trwydded newydd neu £16.24 i’w adnewyddu. Ceir tâl o £8.30 ar gyfer newid enw.

Os ychwanegir enw ar y rhestr o bersonau sydd â’r hawl i werthu gwenwynau Rhan II, yna caiff yr enw ei dynnu oddi ar y rhestr ar 31 Mai bob blwyddyn, oni bai bod cais yn cael ei wneud a’i dderbyn i gadw’r enw ar y rhestr. Noder bod y ffioedd a ddyfynnir uchod yn gymwys ar gyfer 2009/2010.

Gwenwyn sy’n Gymwys i Restr II y Rhestr Wenwynnau

Caiff y gwenwynau canlynol eu rhestru yn Rhan II y Rhestr Wenwynau:

• aldicarb
• alffa-cloralos
• amonia

Y cyfansoddion arsenig canlynol:

• calsiwm arsenitau
• copr asetoarsenit
• copr arsenitau
• copr arsenid
• plwm arsenitau

Yr halwynau bariwm canlynol:

• bariwm carbonad
• bariwm silicofflwrid
• carboffwran
• cylchohecsimid
• deunitrocresolau (DNOC), eu cyfansoddion â metel neu fas
• dinoseb, ei gyfansoddion â metel neu fas
• dinoterb
• drasocsolon a’i halwynau
• endoswlffan
• endothal a’i halwynau
• endrin
• cyfansoddion ffentin
• fformaldehyd
• asid fformig
• asid hydroclorig
• asid hydrofflwrig; metal alcali bifflwridau, amoniwm bifflwrid, sodiwm silicofflwrid
• clorid mercwrig, iodid mercwrig, cyfansoddion organig mercwri ac eithrio cyfansoddion sy’n cynnwys grŵp methyl (CH3) sy’n dolennu ag atom mercwri
• ocsaladau metelig
• methomyl
• nicotin a’i halwynau a chyfansoddion chwartaidd
• asid nitrig
• nitrobensin
• ocsamyl
• paracwat a’i halwynau
• ffenolau (fel a ddiffinir yn Rhan I y Rhestr Wenwynau) mewn sylweddau sy’n cynnwys llai na 60% o bwysau o ran pwysau ffenolau a chyfansoddion ffenolau â metelau mewn sylweddau sy’n cynnwys llai na chyfwerth 60% pwysau o ran pwysau ffenolau
• asid ffosfforig
• cyfansoddion ffosfforws – asinffos-methyl, clorffenfinffos, demffion, demeton-S-methyl swlffon, dialiffos, diclorfos, diocsathion, diswlffoton, ffonoffos, mecarbam,meffosaffolan methidathion, mefinffos, omethoat, ocsidemeton-methyl, parathion, ffencapton, fforat, ffosffamidon, pirimiffos-ethyl, cwinalffos, thiometon, thionasin, triasoffos, famidothion;
• potasiwm hydrocsid
• sodiwm hydrocsid
• sodiwm nitrad
• asid swlffiwrig
• thioffanocs
• sinc ffosffid