Panel Heddlu a Throseddu De Cymru

Newidiodd y ffordd y mae’r polisi heddlu wedi’i ffurfio o fis Tachwedd 2012 pan gafodd Comisiynydd Heddlu a Throseddu ei benodi ar gyfer pob heddlu yng Nghymru a Lloegr.

Mae’r Comisiynydd Heddlu a Throseddu a benodwyd i Heddlu De Cymru yn gyfrifol am bennu cyfeiriad plismona yn Heddlu De Cymru yn ogystal â chefnogi gweithgareddau diogelwch cymunedol ehangach ar draws yr ardal.

Panel Heddlu a Throseddu De Cymru (Panel)

Mae’r Comisiynydd Heddlu a Throseddu’n atebol i graffu gan Banel Heddlu a Throseddu sy’n gwirio ac yn cydbwyso perfformiad y Comisiynydd ac yn cefnogi’r Comisiynydd fel cyfaill beirniadol.

Panel Heddlu a Throseddu’n craffu’r Comisiynydd nid yr Heddlu. Rôl y Comisiynydd yw craffu’r Heddlu. Rôl y Panel yw craffu perfformiad y Comisiynydd i sicrhau tryloywder.

Aelodau Panel Heddlu a Throseddu De Cymru

Yn ardal Heddlu De Cymru daw aelodau’r Panel o bob un o’r saith awdurdod lleol yn yr ardal. Mae dau aelod cyfetholedig annibynnol ar y Panel hefyd.

Yr awdurdodau lleol yw:

Cyngor Bwrdeistref Sirol Pen y Bont ar Ogwr Cllr Johanna Llewellyn-Hopkins
Cyngor Caerdydd Cllr Bernie Bowen-Thomson
Cyngor Caerdydd Cllr Peter Littlechild
Cyngor Bwrdeistref Sirol Merthyr Tudful Cllr John Thomas
Cyngor Castell Need a Phort Talbot Cllr Caroline Lewis
Cyngor Bwrdeistref Sirol Rhondda Cynon Taf Cllr Bob Harris
Cyngor Bwrdeistref Sirol Rhondda Cynon Taf Cllr Louisa Addiscott
Cyngor Abertawe Cllr Mark Tribe
Cyngor Abertawe Cllr Hannah Lawson
Cyngor Bro Morgannwg Cllr Sandra Perkes

Y ddau aelod Annibynnol Cyfetholedig yw:

Mr Mel Jehu (Dirprwy Gadeirydd PTHDC)
Sarah James

Beth Panel Heddlu a Throseddu De Cymru yn ei wneud

Mae rôl y Panel yn cynnwys grymoedd i:

adolygu drafft y Cynllun Heddlu a Throseddu a chynnig argymhellion i’r Comisiynydd y mae’n rhaid eu hystyried;
adolygu adroddiad blynyddol y Comisiynydd a chynnig argymhellion mewn cyfarfod cyhoeddus y mae’n rhaid i’r Comisiynydd fynd iddo;
ymdrin â chwynion am y Comisiynydd;
galw ar y Comisiynydd i fynd i gyfarfod y Panel i ateb cwestiynau;
rhoi feto ar braesept arfaethedig y Cyngor gyda mwyafrif o ddau drydydd;
rhoi feto ar ymgeisydd arfaethedig y Cyngor am Brif Gwnstabl gyda mwyafrif o ddau drydydd; a phenodi Comisiynydd dros dro pan fo’r Comisiynydd yn y swydd yn methu a’i gwneud, yn ymddiswyddo neu’n cael ei ddatgymhwyso.

Dogfennau Cefnogi ar gyfer Panel Heddlu a Throseddu De Cymru

Cylch Gorchwyl
Trefniadau’r Panel
Rheolau Gweithdrefn (Diwygiwyd 7 Chwefror 2023)
Rheolau Gweithdrefn (Dogfen wreiddiol 10fed Ebrill 2018)

Cwynion

Yr awdurdod priodol ar gyfer cwynion yn erbyn Comisiynydd Heddlu a Throseddu De Cymru yw Panel Heddlu a Throseddu De Cymru.

Bydd y Panel yn ymdrin â chwynion lefel isel yn erbyn y Comisiynydd neu ei Ddirprwy. Dylid cyfeirio unrhyw broblemau difrifol i Gomisiwn Cwynion Annibynnol yr Heddlu.

Mae’r Panel yn gyfrifol am gofnodi cwynion a materion ymddygiad yn erbyn y Comisiynydd neu ei Ddirprwy ar y cam cyntaf ac am gyfeirio unrhyw gwynion sy’n honni troseddu i Gomisiwn Cwynion Annibynnol yr Heddlu. Pan nad yw cwynion yn honni troseddu, mae’r Panel yn gyfrifol am ymdrin â’r cwynion hyn a’u datrys yn anffurfiol. Bydd y Panel hefyd yn ymdrin â chwynion troseddol neu faterion ymddygiad yn erbyn y Comisiynydd a’i Ddirprwy a gaiff eu cyfeirio’n ôl iddo gan Gomisiwn Cwynion Annibynnol yr Heddlu.

Os oes gennych gwyn yn erbyn Comisiynydd Heddlu a Throseddu De Cymru neu gwestiwn am y Panel, cyflwynwch eich cwyn yn ysgrifenedig i’r swpcp@merthyr.gov.uk

Panel Heddlu a Throseddu De Cymru
dan ofal Adran Gwasanaethau Democratig
Merthyr Tudful Canolfan Ddinesig, Stryd y Castell
Merthyr Tudful, CF47 8AN

Ar-lein, Mae'n arbed amser

Panel Heddlu a Throseddu De Cymru