Dyfarnu 44 o fedalau i ddisgyblion Merthyr Tudful yn Eisteddfod Caerdydd!

Nos Wener Ionawr 26^ain, aeth disgyblion o Ferthyr Tudful i Eisteddfod Caerdydd am noson o gystadlaethau, a diwylliant Cymraeg.

Dyfarnwyd cyfanswm o 44 o fedalau i ddisgyblion o Ysgol y Graig, Ysgol Pen y Dre ac Ysgol Gynradd Gymraeg Rhyd y Grug am lythrennedd, llefaru unigol, cystadlaethau offerynnol a chystadlaethau llefaru grŵp.

Gan gystadlu mewn cystadlaethau Cymraeg i ddysgwyr ac iaith gyntaf, cynrychiolodd disgyblion eu hysgolion a'u cymuned leol yn wych, gan dderbyn cymeradwyaeth ar ddiwedd y noson am eu cyfraniadau i'r Eisteddfod.

Y canlyniadau:

Llefaru Unigol Blwyddyn 4 ac Iau

3ydd: Freya Donnelly – Ysgol Rhyd y Grug

Llefaru Unigol Blwyddyn 6 ac Iau (Dysgwyr)

1af: Jack Hennessy - Ysgol y Graig

Llefaru Blwyddyn 7-9 (Iaith Gyntaf)

2il: Ollie Casey - Ysgol Pen y Dre

Llefaru Unigol Blwyddyn 7-9 (Dysgwyr)

1af: Ollie Casey - Ysgol Pen y Dre

Ruby Clarke - Ysgol Pen y Dre

3ydd: Ieuan Benbow - Ysgol Pen y Dre

Llefaru Unigol Blwyddyn 10-13 (Iaith Gyntaf)

2il: Leona Williams - Ysgol Pen y Dre

3ydd: Lily McCarthy - Ysgol Pen y Dre

Llefaru Unigol Blwyddyn 10-13 (Dysgwyr)

1af: Holly Thomas - Ysgol Pen y Dre

2il: Leona Williams - Ysgol Pen y Dre

3ydd: Lily McCarthy - Ysgol Pen y Dre

Cystadleuaeth Offerynnol Blwyddyn 7-13

2il: Holly Thomas - Ysgol Pen y Dre

4ydd: Isobella Lagos - Ysgol Pen y Dre

5ed: Jacob Williams - Ysgol Pen y Dre

Adrodd Grŵp Blwyddyn 10-13 (Dysgwyr)

1af: Grŵp Morlais - Ysgol Pen y Dre

2il: Grŵp Y Gurnos - Ysgol Pen y Dre

3ydd: Grŵp Llywelyn - Ysgol Pen y Dre

Llythrennedd Blwyddyn 10-13 (Dysgwyr)

1af: Keira-Louise Pritchard - Ysgol Pen y Dre

Dywedodd Mr Mark Morgan, Pennaeth Adran Gymraeg Ysgol Pen y Dre, "Rydym yn hynod falch o lwyddiant rhagorol ein disgyblion, ac am eu hymddygiad ac ymrwymiad i'r Gymraeg".

Ychwanegodd Mr Matt Howells, Arweinydd y Gymraeg yn Ysgol y Graig, "Mae'r angerdd a'r brwdfrydedd dros y Gymraeg yn bleser ei weld yn y disgyblion. Mae eu hymrwymiad a'u gwaith caled yn amlwg, ac yn llwyddiant anhygoel pawb sy'n cymryd rhan. Fel athro ac arweinydd Cymraeg, mae'n gwneud i mi deimlo'n falch o weld cymaint o bobl ifanc yn dangos eu hangerdd a'u pleser wrth ddysgu ein hiaith genedlaethol".

Dywedodd Mrs Alwen Bowen, Pennaeth Ysgol Rhyd y Grug "Llongyfarchiadau enfawr i holl ddisgyblion Merthyr a gymerodd ran yn yr Eisteddfod, gan ddangos ymrwymiad i'r Gymraeg. Da iawn i Freya oedd yn cystadlu yn erbyn plant dair blynedd yn hŷn na hi yn y gystadleuaeth."

Dywedodd y Cynghorydd Michelle Symonds, Hyrwyddwr y Gymraeg, "Llongyfarchiadau mawr i'r holl blant a phobl ifanc a gymerodd ran yn yr Eisteddfod a diolch i'r staff ymroddedig am eu cefnogi.

"Mae'n hyfryd gweld yr iaith Gymraeg yn cael ei dathlu ymhlith ein cenhedlaeth iau."