Pantri Bwyd Cymunedol yn derbyn grant o £5,000 i helpu preswylwyr mewn angen y Nadolig hwn

Mae Sefydliad Gellideg yn un o ddeg banc bwyd neu bantri ym Mwrdeistref Sirol Merthyr Tudful a dderbyniodd daliad cymorth costau byw am y swm o £5,000. 

Bydd grant yr awdurdod lleol yn caniatáu i'r prosiect brynu bwyd ychwanegol, eitemau glanhau domestig, cynhyrchion hylendid personol a darparu mynediad at gymorth ychwanegol sy'n helpu i fynd i'r afael â chaledi ariannol fel mynediad at dalebau ynni i'w cwsmeriaid.

Dywedodd y Cynghorydd Geraint Thomas, Arweinydd y Cyngor;
"Roedd yn bleser cwrdd â staff Sefydliad Gellideg a diolch iddynt yn bersonol am roi cymorth a chefnogaeth i'r rhai sydd ei angen fwyaf yn ystod yr argyfwng costau byw.

"Yn ystod y cyfnod anodd a heriol hwn, mae ein banciau bwyd a'n pantris yn gwneud gwaith gwych i deuluoedd lleol drwy sicrhau mynediad at fwyd, glanhau a chynhyrchion hylendid.

"Heb leoedd fel hyn yn ein cymunedau, byddai pobl yn mynd heb hanfodion dyddiol, felly mae'r grant hwn yn hanfodol i'n trigolion mewn angen."

Cysyniad y Pantri Bwyd Cymunedol yw bod aelodau'n dewis eu cynnyrch eu hunain o'r Pantri, yn debyg iawn i brofiad siop arferol. Am gost isel iawn, mae gan aelodau fynediad at fwyd â chymhorthdal, nwyddau ymolchi a chynhyrchion glanhau, gyda'r holl ffrwythau, llysiau, bara, teisennau a chynhyrchion mislif yn cael eu rhoi am ddim.

Mae aelodaeth yn agored i bawb ym Merthyr Tudful, ond mae ffocws clir ar ddarparu bwyd iach, ffres i aelwydydd sydd wedi dioddef colled mewn incwm neu sy'n profi caledi.

Dywedodd Colette Watkins, Rheolwr Grŵp Sylfaen Gellideg;
"Mae pawb yn gweld nad yw eu hincwm yn cyflawni eu gwariant ac maen nhw'n gorfod dod o hyd i ffyrdd o gwtogi gwariant. Mae pobl yn aml yn torri lawr ar fwyd yn gyntaf achos mae'n haws - unai'r gyfrol neu'r ansawdd. Felly, trwy eu helpu i gael gafael ar fwyd fforddiadwy o ansawdd da, rydym yn ysgafnhau'r llwyth ac yn sicrhau nad oes rhaid iddynt aberthu eu hiechyd i ganolbwyntio ar flaenoriaethau eraill.

"Mae'r cyllid ychwanegol hwn a dderbyniwyd gan Gyngor Bwrdeistref Sirol Merthyr Tudful wedi ein galluogi i gynnig eitemau ychwanegol i'n haelodau yn ystod y cyfnod cyn yr ŵyl, gan helpu teuluoedd sydd fwyaf mewn angen i gael Nadolig hapusach ac iachach."

Mae'r banciau bwyd a'r pantris eraill a dderbyniodd y grant yn cynnwys Banc Bwyd Merthyr Cynon, Banc Bwyd Taf Bargoed, Cymdeithas Gymunedol Fir Tree, H Factor Group CYF (Tŷ Pantry) Hope Pantry, MTHA, Ymddiriedolaeth Elusennol Stephens & George, TAG a Chymdeithas Tai Wales & West.

Am fwy o wybodaeth am gymorth a chyngor costau byw sydd ar gael ym Merthyr Tudful, ewch i:
Cost Cymorth Byw a Chyngor | Cyngor Bwrdeistref Sirol Merthyr Tudful