Wythnos Ewropeaidd ar gyfer Gwastraff a Lleihau Gwastraff (EWWR)

Mae Cyngor Bwrdeistref Sirol Merthyr Tudful yn falch o gefnogi'r Wythnos Ewropeaidd ar gyfer Gwastraff a Lleihau Gwastraff (EWWR) sy'n ymgyrch sy'n ein hannog i leihau, ailddefnyddio ac ailgylchu cymaint o'r gwastraff rydym yn ei gynhyrchu â phosibl.

Bwydwch eich teulu, arbedwch arian a helpwch yr amgylchedd drwy leihau’ch gwastraff bwyd gartref ac ailgylchwch unrhyw fwyd na allwch ei fwyta bob wythnos.

Y thema eleni yw: NA I WASTRAFF BWYD

Yn ôl y rhaglen Gweithredu Gwastraff ac Adnoddau (WRAP), mae 6.4 miliwn tunnell o fwyd bwytadwy yn cael ei wastraffu yn y DU bob blwyddyn.

Mae hyn yn cyfateb i 15 biliwn o brydau bwyd sy'n ddigon i fwydo 3 phryd bwyd y dydd am 11 wythnos.

Mae faint o fwyd sy'n cael ei wastraffu yng nghartrefi'r DU yn achosi i 18 miliwn tunnell o allyriadau nwyon tŷ gwyrdd gael eu rhyddhau i'r atmosffer gan lygru'r aer rydyn ni'n ei anadlu.

Yn ogystal â hyn, mae teulu cyffredin yn y  DU yn gwastraffu £60 y mis trwy brynu a thaflu bwyd i ffwrdd.

Gall pob un ohonom wneud gwahaniaeth drwy:

• Wirio beth sydd gennym cyn i ni siopa.
• Siopa'n ddoethach i'n hatal rhag gwastraffu bwyd trwy brynu'r hyn sydd ei angen arnom yn unig.
• Cynllunio prydau bwyd
• Storio bwyd yn iawn i wneud iddo fynd ymhellach.
• Rhewi bwyd dros ben fel y gellir ei fwynhau eto.

Ewch i lovefoodhatewaste.com am awgrymiadau ar storio bwyd, ryseitiau, dyddiadau defnyddio erbyn a dyddiadau gorau  i weld pa newidiadau y gallwch eu gwneud gartref.

Cofiwch ailgylchu'r holl fwyd na ellir ei fwyta yn y cynllun ailgylchu bwyd ymyl y ffordd wythnosol.

Peidiwch byth â rhoi bwyd yn y bin sbwriel gan y bydd bwyd sy'n cael ei adael i bydru yn y bin sbwriel yn denu fermin ac yn rhyddhau methan i'r atmosffer sydd yn llygru'r aer rydyn ni'n ei anadlu.

Mae'r Cyngor, yn ogystal yn gweithio'n galed i gyrraedd y targed ailgylchu o 70% a osodwyd gan Lywodraeth Cymru. Er mwyn ein helpu i wneud hyn, byddwn yn gwirio biniau preswylwyr fel mater o drefn a byddwn yn rhoi dirwyon i'r rhai sy'n dal i roi bwyd a deunyddiau ailgylchadwy eraill yn y bin sbwriel.