Ymunwch â ni am 'ddiwrnod cyfareddol' yn seremoni goleuo'r Nadolig eleni

Bydd canol tref Merthyr Tudful yn llawn hwyl yr ŵyl ddydd Sadwrn Tachwedd 16^eg wrth i Rydyn ni’n Caru Merthyr mewn partneriaeth â'r Cyngor a Chanolfan Siopa Santes Tudful gychwyn y cyfnod cyn y Nadolig mewn steil.

Mae Diwrnod Hwyl i'r Teulu y Nadolig yn argoeli i fod yn ddiwrnod cyfareddol, gyda diddanwyr stryd hwyliog, Nadoligaidd, ceirw go iawn, reidiau ffair, paentio wynebau Nadoligaidd, glôb eira enfawr – a hyd yn oed Ysgol Corrachod – yng nghanol y dref rhwng 11am a 6pm.

Eleni gallwch hefyd ddal yr hud gyda chyfle unigryw i dynnu lluniau gyda Inka, yr arth wen animatronic, a'i cybiau.

Wrth gwrs, ni fyddai unrhyw ddiwrnod hwyl yr ŵyl yn gyflawn heb ymweliad â Grotto Siôn Corn, a gallwch dod o hyd iddo yng Nghanolfan Siopa Santes Tudful.

O 5pm bydd Josh a Kally Capital FM yn Sgwâr Penderyn, yn eich diddanu yn barod ar gyfer y goleuo swyddogol am 5:45pm.

Gallwch hyd yn oed fanteisio ar barcio AM DDIM y diwrnod hwnnw yn ein meysydd parcio talu ac arddangos canol y dref!