Mae Merthyr Tudful wedi derbyn y nifer uchaf erioed o Faneri Gwyrdd ar gyfer parciau a gerddi a reolir gan y Cyngor a'r gymuned

Cyfanswm o 20 o fannau gwyrdd – gan gynnwys y tri pharc canlynol Parc Cyfarthfa, Parc Taf Bargoed, Parc Tre Tomos a Mynwent Aber-fan yn ennill y wobr lawn, ynghyd ag 16 o brosiectau cymunedol sydd wedi derbyn neu gadw achrediad mawreddog Cadwch Gymru'n Daclus.

Mae rhestr lawn o enillwyr gwobrau cymunedol buddugol i'w gweld isod;

• Gwarchodfa Natur Cilsanws
• Canolfan Gymunedol Dowlais
• Ysgol Fabanod Dowlais a'r Ardd Gymunedol
• Gardd Natur Edward a Trefor
• Gardd Gymunedol Prosiect Dynion y Gurnos
• Gardd Gymunedol Bythynod Hafod
• Gardd Gwenyn Merthyr Nats
• Gardd Stryd y Farchnad
• Gardd Natur Gymunedol Muriel a Blanche
• Parc Penydarren
• Pwll Pen-y-wern
• Parc Pitwoods
• Pentref a Pharc Pontsticill
• Gardd Natur Gymunedol yr Hafod
• Hyb Cymunedol Twynyrodyn
• Taith Gerdded y Coetir

Bellach yn ei thrydydd degawd, mae gwobr Y Faner Werdd yn cydnabod parciau a mannau gwyrdd sydd yn cael eu rheoli’n dda, mewn 20 o wledydd ar draws y byd.

Yng Nghymru, mae’r cynllun gwobrwyo yn cael ei redeg gan Cadwch Gymru’n Daclus. Dywedodd Lucy Prisk, Cydlynydd y Faner Werdd i Cadwch Gymru’n Daclus: “Rydym wrth ein bodd i weld bod 291 o fannau gwyrdd yng Nghymru wedi cyflawni statws blaenllaw y Faner Werdd, sydd yn dangos ymroddiad a gwaith caled cannoedd o staff a gwirfoddolwyr.

“Mae mannau gwyrdd o ansawdd yn chwarae rhan hanfodol yn lles corfforol a meddyliol pobl ledled Cymru, ac mae cael eich cydnabod gyda’r gorau yn y byd yn gyflawniad mawr - Llongyfarchiadau!”

Dywedodd y Cynghorydd David Hughes, Aelod Portffolio dros Wasanaethau Cymdogaeth:
"Mae Merthyr Tudful yn mynd o nerth i nerth o ran Gwobrau'r Faner Werdd, flwyddyn ar ôl blwyddyn, ac rydym yn hynod  falch.

"Rwyf wrth fy modd bod parciau'r Cyngor a Mynwent Aber-fan yn ennill gwobrau’n gyson, sy'n ganlyniad i'r gwaith caled a wnaed i'w cynnal gan Adran y Parciau.

"Mae gennym hefyd nifer cynyddol o grwpiau cymunedol a gwirfoddolwyr sy'n rhoi o'u hamser i gynnal ein mannau gwyrdd lleol er budd ein trigolion - cymaint o ddiolch iddynt hwy hefyd."

Mae rhestr lawn o enillwyr y gwobrau i'w gweld ar wefan Cadwch Gymru'n Daclus Cymru yn chwifio mwy o Faneri Gwyrdd Cymunedol nag unrhyw wlad arall ar draws y byd - Keep Wales Tidy