Gwasanaeth Llinel Bywyd Merthyr Tudful yn ennill Sêl Gymeradwyaeth Ansawdd Cenedlaethol

Mae gwasanaeth Llinell Bywyd Cyngor Bwrdeistref Sirol Merthyr Tudful wedi cyflawni carreg filltir arwyddocaol trwy ennill achrediad Ansawdd TEC yn llwyddiannus gan Gymdeithas Gwasanaethau TEC (TSA), gan dynnu sylw at ymrwymiad eithriadol y tîm i ddarparu gofal o ansawdd uchel wedi'i alluogi gan dechnoleg.

Mae'r Fframwaith Safonau Ansawdd (QSF) yn cefnogi sefydliadau sy'n darparu Gofal wedi'i Alluogi gan Dechnoleg (TEC) gan weithredu fel "gwiriad iechyd" ar gyfer y gwasanaeth sy'n cael ei ddarparu ac i gryfhau darpariaeth gwasanaethau. Mae Ardystiad QSF yn dangos ymrwymiad i egwyddorion Ansawdd, Diogelwch, Arloesi a Gwelliant Parhaus wrth ddarparu atebion TEC i drigolion De a Gorllewin Cymru.

Dywedodd y Cynghorydd Anna Williams-Price, Aelod Cabinet dros Gynaliadwyedd Ariannol, Asedau a Masnachol: "Mae'r achrediad hwn yn fwy na thystysgrif yn unig - mae'n dyst i ymrwymiad diwyro y tîm i ddarparu gofal tosturiol a dibynadwy i'n cymuned. Rydym yn falch o ddangos bod Merthyr Tudful ar flaen y gad o ran atebion gofal arloesol sy'n gwneud gwahaniaeth i fywydau pobl."

Trwy gyflawni Ardystiad QSF, mae'r tîm Linell Bywyd wedi profi ei ymroddiad a'i waith caled dros y flwyddyn ddiwethaf ac mae'n dangos y ffocws ar ansawdd y gwasanaeth sy'n cael ei ddarparu, ymgorffori ansawdd yn y gwasanaeth a lliniaru risg i ddarparu cymorth eithriadol i breswylwyr.

Mae uchafbwyntiau allweddol y gwasanaeth Lifeline yn cynnwys:

• Ymateb brys 24awr 7 niwrnod yr wythnos
• Help a chyngor ar unwaith
• Sylw cynhwysfawr ar draws cartrefi a gerddi preswylwyr
• Ffi gwasanaeth wythnosol fforddiadwy

Gall preswylwyr sydd â diddordeb mewn cael mynediad i'r gwasanaeth hwn sy'n gwella bywyd ymweld â https://www.merthyr.gov.uk/resident/social-services-and-well-being/adult-social-care/lifeline/ neu gysylltu â'r Ganolfan Gyswllt Cwsmeriaid ar 01685 725000.