Cynlluniau maes chwarae yn dwyn ffrwyth

Mae cynlluniau i ailwampio deg maes chwarae lleol yn dechrau dwyn ffrwyth, gyda thri o'r deg maes chwarae eisoes wedi'u cwblhau. 

Ar hyn o bryd mae Cyngor Bwrdeistref Sirol Merthyr Tudful yn rheoli 51 o ardaloedd chwarae sefydlog ledled Merthyr Tudful, y mae llawer ohonynt yn dod i ddiwedd eu hoes ddefnyddiol ac angen eu hadnewyddu.

Ym mis Mawrth 2022 cytunodd y Cyngor Llawn ar wariant cyfalaf o £518,000 y flwyddyn dros gyfnod o bum mlynedd, gan ganiatáu i ni adnewyddu rhwng pump a saith maes chwarae y flwyddyn am y pum mlynedd nesaf; buddsoddiad o dros £2.5m.

Dewiswyd y safleoedd canlynol fel rhan o archwiliad blynyddol y Cyngor o gyfleusterau chwarae yn 2021, gyda nhw'n cael eu blaenoriaethu ar sail ffactorau fel maint y gwaith atgyweirio sydd ei angen, oedran, cyflwr, hyd oes realistig a gwerth chwarae:

• Trefechan
• Gwernllwyn
• Parc y Castell
• Oaklands
• Parc Thomastown
• Keir Hardy
• Ffordd Moy
• Maes Prospect
• Parc Treharris
• Edwardsville

Mae'r rhain yn dilyn y gwaith sydd eisoes wedi'i gwblhau yng Nghefn Coed, Twyncarmel, Stryd Lewis  (Bedlinog) a Ffordd Glantaf.

Dywedodd y Cynghorydd David Hughes, Aelod Cabinet ar faterion Gwasanaethau Cymdogaeth: "Mae'r Cyngor hwn yn cydnabod pwysigrwydd chwarae i iechyd a lles plant a phobl ifanc, ac am y manteision corfforol, cymdeithasol, meddyliol ac emosiynol y mae'n eu rhoi iddynt, felly mae'r buddsoddiad hwn wedi bod yn flaenoriaeth i ni.

"Rwy'n falch iawn o weld y cynlluniau hyn yn dwyn ffrwyth, gyda Moy Road, Maes Prospect a meysydd chwarae Edwardsville wedi'u cwblhau'n ddiweddar ac yn gweithio ar Barc Thomastown ar hyn o bryd.

"Gyda gweddill y meysydd chwarae i fod wedi'i gwblhau ymhen tua 8 wythnos, rydym ar ein ffordd i roi'r meysydd chwarae gwell a modern y mae plant Merthyr Tudful yn eu haeddu."