Storm Goretti: Gwybodaeth a diweddariadau pwysig

Bydd y dudalen hon yn cael ei diweddaru gyda gwybodaeth a diweddariadau pwysig yn ystod Storm Goretti.

Darperir y wybodaeth isod gyda'r wybodaeth ddiweddaraf yn gyntaf:

Dydd Gwener 9 Ionawr 2026

7:30am: 

Bydd ein Canolfan Gyswllt a'n Derbynfa ar agor ychydig yn hwyrach nag arfer heddiw tra bod ein haelodau staff yn teithio'n ddiogel i'r gwaith.

Byddwn yn darparu diweddariad arall pan fydd ar agor. Diolch.

6am: 

🟠❄️ Diweddariad tywydd 🟠❄️

Mae rhai ardaloedd, yn enwedig yn y dyffryn uchaf, wedi profi eira, ond mae llawer o ardaloedd yn edrych yn iawn gyda'r prif ffyrdd yn glir. Strydoedd ochr yw'r rhai sydd wedi'u heffeithio waethaf felly byddwn yn anfon timau i'r ardaloedd hynny heddiw.

Mae tymheredd wyneb y ffyrdd eisoes uwchlaw sero a rhagwelir y byddant yn parhau i godi, a fydd yn helpu i ddadmer unrhyw ardaloedd sydd wedi cael eira.

Gwneir unrhyw benderfyniadau ynghylch cau ysgolion gan yr ysgol ei hun ac os bydd cau rhannol neu lawn, byddant yn diweddaru'r dudalen we ganlynol: https://schoolclosures.merthyr.gov.uk/

Dydd Iau 8 Ionawr 2026

6:30pm

Rydym yn ymwybodol bod rhai ardaloedd ym Merthyr Tudful sydd ar dir uwch yn profi croniadau o eira ac mae amodau gyrru yn mynd yn beryglus.

Cymerwch ofal ar y ffyrdd os oes angen i chi fod allan, ond lle bo modd arhoswch gartref ac arhoswch yn ddiogel.

4pm: 

🟠 RHYBUDD AMBR AM EIRA 🟠

Mae'r Swyddfa Dywydd wedi cyhoeddi rhybudd ambr am eira o 8pm heddiw tan 9am ddydd Gwener.

I baratoi ar gyfer hyn, mae ein staff wedi bod yn brysur yn llenwi'r biniau graean yn ein cymunedau.

Os byddwch chi'n sylwi ar fin graean sydd angen ei lenwi, defnyddiwch ein ffurflen ar-lein i ofyn am ail-lenwi (gallwch weld lleoliadau'r biniau graean yma hefyd): merthyr.gov.uk/resident/parking-roads-and-travel/roads-footways-and-pavements/gritting/

Mae ein criwiau graeanu hefyd yn gweithio i gadw ffyrdd yn ddiogel

• Maent yn graeanu'r holl brif lwybrau.
• Bydd strydoedd ochr yn cael eu graeanu os bydd 'glaw gwyn'
• Noder: ni ellir graeanu ffyrdd am tua 3 awr ar ôl glaw.
• Parciwch yn ystyriol fel y gall y cerbydau gael mynediad

 Byddwch yn dawel eich meddwl:

• Rydym mor barod ag y gallwn fod
• Mae gennym adnoddau yn eu lle ac wrth law
• Mae gennym ddigon o raean ar gael

Am y wybodaeth dywydd ddiweddaraf ewch i: weather.metoffice.gov.uk