Peryglon Damweiniau Mawr

Efallai bydd angen i'r gwasanaethau brys, y Cyngor ac asiantaethau eraill weithredu mewn ymateb i amrywiaeth eang o ollyngiadau cemegol, tanau a digwyddiadau'n ymwneud â defnyddiau ymbelydrol. Gall y digwyddiadau hyn olygu perygl i iechyd y cyhoedd a/neu lygru'r amgylchedd. 

Gall perygl cemegol neu amgylcheddol ddod o amryw o ffynonellau:

• Safle diwydiannol sefydlog (e.e. gwaith cemegol mawr neu orsaf bŵer niwclear)
• Cerbyd neu gynhwysydd ar daith
• Defnydd sydd wedi ei adael ar dir cyhoeddus neu dir preifat.     

Efallai y bydd yr wybodaeth Cyngor ar Ddefnyddiau Peryglus (isod) yn ddefnyddiol i chi o ran yr hyn y gallwch ei wneud i ddiogelu eich hun a'ch teulu mewn achos prin o ddigwyddiad yn ymwneud â sylweddau peryglus.

Cyngor ar Ddefnyddiau Peryglus

Os ydych yn byw ger perygl diwydiannol, efallai yr anfonir cerdyn gwybodaeth atoch chi am y safle a beth y dylech ei wneud os fydd argyfwng yno.

Sicrhewch eich bod yn deall beth yw'r rhybudd a'r hyn y dylech ei wneud ar ôl ei dderbyn.

Mewn nifer o achosion yn ymwneud â sylweddau peryglus y cyngor gorau i ddechrau yw:

Ewch i Mewn, Arhoswch i Mewn, Tiwniwch i Mewn

Ewch i Mewn:

• Ewch i mewn i'ch cartref,  lan lofft os yn bosib
• Caewch yr holl ddrysau a ffenestri
• Diffoddwch systemau awyru
• Diffoddwch offer nwy
• Rhwystrwch unrhyw ddrafftiau rhag dod i mewn a chaewch unrhyw gaead ar wresogyddion tanwydd solet

Arhoswch i Mewn:

• Arhoswch yn eich cartref ac aros am gyfarwyddiadau pellach
• Byddwch yn barod i gynnig lloches i bobl sy'n mynd heibio
• Peidiwch â mynd i chwilio am ffrindiau neu berthnasau
• Diffoddwch pob fflam e.e. fflamau peilot
• PEIDIWCH â mynd allan nes i chi gael cyngor i wneud hynny gan yr Heddlu. Gydag ymbelydredd, bydd popeth yn edrych yn normal ac ni fyddwch yn gallu gweld, clywed na theimlo unrhyw wahaniaeth

Tiwniwch i Mewn:

• Tiwniwch i mewn i'ch gorsaf radio BBC lleol (92.4 a 103.9 FM) neu'r teledu am wybodaeth bellach. Mae gan y BBC gynlluniau ar gyfer darparu gwybodaeth gyhoeddus mewn argyfwng ac efallai yr hoffech gadw cofnod o amlderau radio lleol
• Byddai hefyd yn synhwyrol i chi sicrhau bod gennych chi radio sy'n cael ei redeg gan fatri a batris sbâr rhag ofn i'r cyflenwad pŵer gael ei dorri
• Peidiwch â defnyddio'r ffôn.  Cadwch y llinellau ar gyfer defnydd brys yn unig.