Cynllun ECO4 (Rhwymedigaeth Cwmni Ynni gan gynnwys ECO4 Flex)

ECO4 yw'r cynllun Rhwymedigaeth Cwmni Ynni diweddaraf a weinyddir gan OFGEM. Nod Cyllid ECO yw helpu'r rhai sy'n byw mewn tlodi tanwydd ac sy'n agored i'r risg o fyw mewn cartref oer, ac y mae eu tŷ yn aneffeithlon o ran ynni. Mae cyllid ECO yn talu am osod mesurau effeithlonrwydd ynni fel gwelliannau gwresogi ac inswleiddio, a thrwy hynny helpu i leihau cost gwresogi'r cartref a chreu arbedion carbon sydd hefyd yn fuddiol i’r amgylchedd.

Gall preswylwyr fod yn gymwys i gael mesurau a ariennir gan ECO os ydynt yn derbyn un o'r budd-daliadau canlynol:

Lwfans Ceisio Gwaith Seiliedig ar Incwm (JSA)
Lwfans Cyflogaeth a Chymorth sy'n gysylltiedig ag Incwm (ESA)
Cymhorthdal Incwm (IS)
Credyd Gwarant Credyd Pensiwn (PCGC)
Credyd Treth Gwaith (WTC)
Credyd Treth Plant (CTC)
Credyd Cynhwysol (UC)
Budd-dal Tai
Credyd Cynilo Credyd Pensiwn (PCSC)
Budd-dal Plant (yn amodol ar gapiau incwm a chyfansoddiad)

Os nad oes unrhyw un o'r budd-daliadau hyn yn cael eu hawlio, efallai y bydd yr aelwyd yn dal i allu derbyn mesurau wedi'u hariannu drwy'r broses gymhwysedd hyblyg ('ECO flex' yn fyr), er enghraifft os oes gan yr aelwyd incwm cyfunol o dan £31,000 neu os oes gan rywun yn y cartref gyflwr meddygol cymwys.

Mae'r datganiad hwn o fwriad yn nodi meini prawf cymhwysedd hyblyg Cyngor Bwrdeistref Sirol Merthyr Tudful ar gyfer ECO4 Flex rhwng Ebrill 2022 a Mawrth 2026.

Sut i wneud cais:

Gosodwyr:

Mae Cyngor Bwrdeistref Sirol Merthyr Tudful wedi partneru ag E.ON ar ddarparu ECO4 flex. Os ydych chi'n gwmni gosod ac yn dymuno holi am y cynllun, cysylltwch ag E.ON yn: eoncommunityprojects@eonenergy.com

Trigolion:

Os ydych chi'n credu y gallech fod yn gymwys am Gyllid ECO, siaradwch â sefydliad a all gynnig cymorth arbed biliau ac ynni diduedd am ddim i chi ac asesu a allech fod yn gymwys i gael cyllid, naill ai gan ECO neu unrhyw raglenni grant eraill i helpu i dalu am welliannau i'ch cartref. Mae Cymru Gynnes yn un darparwr sy'n cynnig cymorth o'r fath i unrhyw drigolion yng Nghymru:

CYMRU GYNNES

0800 091 1786, DEWIS 1 www.warmwales.org.uk/getting-support

Sylwch: Ni fydd Cyngor Bwrdeistref Sirol Merthyr Tudful yn derbyn unrhyw geisiadau sy'n gysylltiedig ag ECO. Os cewch eich asesu fel un a allai fod yn gymwys i gael cyllid, cewch eich cyfeirio at ddarparwr y cynllun ariannu perthnasol neu gwmni gosod cymeradwy. Os oes angen cymhwysedd ECO flex, bydd y cwmni gosod yn gofyn i chi ddarparu dogfennau iddynt i'w helpu i ddangos tystiolaeth o'ch cais. Bydd y wybodaeth hon yn cael ei darparu i'r cyngor i'w gwirio trwy ein partner cyflenwi ECO flex E.ON.

Nyth

Cynllun gan Lywodraeth Cymru yw Nyth sy’n cynnig cyngor a gwelliannau am ddim i’r cartref i’ch helpu i arbed ynni ac arian.

Ers 2011, mae Nyth wedi darparu gwelliannau ynni i’r cartref am ddim i dros 60,000 o gartrefi.

Cyngor arbed ynni

Mae eu cynghorwyr cyfeillgar yn cynnig cyngor diduedd am ddim i’ch helpu i leihau eich biliau ynni a gwella eich iechyd a’ch lles. Mae hyn yn cynnwys:

dod o hyd i’r tariff ynni a dŵr gorau ar gyfer eich cartref
budd-daliadau i roi hwb i incwm eich cartref
helpu i leihau’ch ôl troed carbon
cyngor ar osod eich technoleg carbon isel eich hunan

Cymorth gyda gwelliannau effeithlonrwydd ynni i’r cartref

Mae cynllun Nyth hefyd yn darparu cymorth gyda gosod gwelliannau effeithlonrwydd ynni am ddim ar gyfer eich cartref, a allai gynnwys system wresogi newydd, paneli solar neu inswleiddio.

Gallech fod yn gymwys ar gyfer gwelliannau ynni am ddim i’r cartref os ydych yn bodloni’r tri amod yma:

rydych chi’n berchen ar eich cartref neu’n ei rentu’n breifat
rydych chi’n derbyn budd-dal sy’n dibynnu ar brawf modd neu’n byw mewn cartref incwm isel
mae gan eich cartref sgôr tystysgrif perfformiad ynni (EPC) o 54 (E) neu lai; neu sgôr EPC o 68 (D) neu lai ac mae gan rywun yn eich cartref gyflwr iechyd cymwys.

Os nad oes gwres neu ddŵr poeth yn eich cartref, gall y cynllun ddarparu atgyweiriad ar gyfer eich boeler neu gyfnewid eich boeler heb unrhyw gost i chi.