Ar-lein, Mae'n arbed amser
Gofal Plant Dechrau'n Deg
Mae pob plentyn sy’n byw ym Merthyr Tudful yn gymwys i dderbyn gofal plant wedi ei ariannu, o’r tymor sy’n dilyn eu hail ben-blwydd hyd at y tymor maent yn troi’n dair.
Dengys bod mynychu gofal plant o safon uchel, yn rhan amser ac yn rheolaidd yn gwella canlyniadau’n sylweddol i blant, ac rydym yn eich annog i fanteisio ar y cynnig hwn.
Mae gan blant yr hawl i sesiwn 2.5 awr y diwrnod, pum niwrnod yr wythnos, yn ystod y tymor ysgol yn unig. Mae’n bosib bod yno amodau arbennig, megis teuluoedd sy’n gweithio, a hoffai ddefnyddio dau sesiwn y diwrnod i gefnogi eu patrwm gwaith. Gallwch drafod hwn gyda’r sawl fydd yn darparu eich gofal plant Dechrau’n Deg.
Gweler ein hadran Cwestiynau a Ofynnir yn Aml am ragor o wybodaeth – https://www.merthyr.gov.uk/resident/learning-in-merthyr-tydfil/early-years-flying-start/flying-start/frequently-asked-questions-flying-start-flying-start-phased-expansion/?lang=cy-GB&
Cam 1 – Ymuno a Rhaglen Dechrau’n Deg
Cofrestrwch i’r rhaglen Dechrau’n Deg drwy gyflwyno ffurflen gofrestri isod.
https://www.merthyr.gov.uk/do-it-online/request-or-apply/flying-start-registration-form/
Cam 2 – Gwnewch gais am ofal plant cyn oed ysgol i’ch plentyn Wedi ei Ariannu gan Dechrau’n Deg
Mae Dechrau’n Deg yn cynnig sesiynau o safon i blant cyn oed ysgol drwy gyfrwng y Gymraeg a’r Saesneg – er mwyn cael gwybod beth yw manteision anfon eich plentyn i ddarparwyr gofal plant drwy gyfrwng y Gymraeg darllenwch ein taflen ynghylch dwyieithrwydd fan hyn – Taflen Bod yn Ddwyieithog
Dalier sylw, dim ond yn ystod y tymor bydd eich plentyn yn troi’n ddwy gall y tîm dderbyn cais am Ofal Plant – os ydych yn cyflwyno cais yn gynt na hynny ni fydd y system yn caniatáu i chi barhau. Er mwyn eich cynorthwyo i ddeall pryd gallwch wneud cais, gweler y tabl isod.
Dyddiadau Cymwys Dechrau’n Deg Cyn Oed Ysgol
| Os cafodd eich plentyn ei eni rhwng | Bydd yn gymwys i gychwyn gofal plant Dechrau’n Deg o… | Bydd yn gymwys tan | Y Dyddiad y Mae’r Ceisiadau’n Agor | Dyddiad Cau’r Ffurflen Gais |
|---|---|---|---|---|
|
1af Medi 2022 – 31ain Rhagfyr 2022 |
6ed Ionawr 2025 |
19eg Rhagfyr 2025 | 1af Medi 2024 | 1af Tachwedd 2024 |
|
1af Ionawr 2023 – 31ain Mawrth 2023 |
28ain Ebrill 2025 | 27ain Mawrth 2026 | 1af Ionawr 2025 | 1af Mawrth 2025 |
|
1af Ebrill 2023 – 31ain Awst 2023 |
1af Medi 2025 | 24ain Gorffennaf 2026 | 1af Ebrill 2025 | 1af Mehefin 2025 |
Er mwyn eich cynorthwyo chi i benderfynu pa leoliad Gofal Plant hoffech anfon eich plentyn ato, gweler gwefan y Gwasanaeth Gwybodaeth i Deuluoedd Merthyr Tudful yn y fan hon – https://www.merthyrfis.org/childcare/choosing-childcare/?lang=cy-GB&
Byddwch hefyd yn dod o hyd i restr o ddarparwyr Gofal Plant ym Merthyr yn y fan hon – https://www.merthyr.gov.uk/resident/learning-in-merthyr-tydfil/early-years-flying-start/flying-start/flying-start-childcare-settings/
Er mwyn gwneud cais am ofal plant cyn oed ysgol i’ch plentyn dilynwch y ddolen isod
https://schooladmissions.merthyr.gov.uk/CitizenPortal/cy/
Unwaith byddwn wedi prosesu eich cais byddwch yn derbyn e-bost gan y tîm Dechrau’n Deg drwy Borth Trigolion Merthyr Tudful gyda manylion eich cais – os oes unrhyw fanylion yn anghywir cysylltwch â’r tîm ar fyrder os gwelwch yn dda. Wedi i’ch cais gael ei dderbyn, bydd angen i chi gysylltu gyda lleoliad o’ch dewis er mwyn trefnu sesiwn ymgynefino i’ch plentyn a chwblhau’r gwaith papur sy’n ymwneud a chofrestri eich plentyn. Dalier sylw: bydd yn rhaid i chi ddarparu tystiolaeth o’ch cyfeiriad – un ai bil Treth Gyngor yntau fil gan y gwasanaeth dŵr, trydan, gwres ac ati, bydd yn rhaid bod gan y bil ddyddiad arno sydd o fewn y tri mis diweddaf. Bydd yn rhaid i chi gyflwyno copi o dystysgrif geni eich plentyn i’r lleoliad gofal plant hefyd pan fyddwch yn mynychu’r sesiwn ymgynefino.
Presenoldeb – er mwyn i’ch plentyn wneud y gorau o’i brofiad Dechrau’n Deg rydym yn gofyn bod presenoldeb eich plentyn yn uwch na 75% - rydym yn deall bod plant yn profi salwch o fewn meithrinfeydd cyn oed ysgol a byddwn yn gwneud eithriad i’r rheol o ganlyniad i hynny, ond bydd methu a mynychu dros 75% yn barhaol yn golygu y bydd tîm gweinyddol Dechrau’n Deg yn cysylltu â chi i drafod unrhyw rwystrau rydych efallai’n eu hwynebu, gyda’r posibilrwydd o leihau nifer y sesiynau y trefnwyd ar gyfer eich plentyn neu o bosib yn tynnu eu lle oddi wrthynt.
Cam 3 – Ceisiadau Ysgol Feithrin
Unwaith bydd hawl eich plentyn i sesiynau Dechrau’n Deg yn dod i ben (tymor eu pen-blwydd yn dair) byddant yn gymwys am le Meithrin. Er mwyn gwneud cais am le Meithrin dilynwch y ddolen isod. Dalier sylw, bydd yn rhaid i unrhyw gwestiynau / ymholiadau ynghylch lle eich plentyn yn yr Ysgol Meithrin, fynd yn uniongyrchol at yr Adran Addysg: 01685 725000
Ceisiadau i leoliadau cyn-feithrin ac ysgol feithrin | Cyngor Bwrdeistref Merthyr Tudful
Y Cynnig Gofal Plant – Pan fydd eich plentyn yn mynychu’r Ysgol Feithrin mae’n bosib y byddwch yn gymwys i 30 awr o Ofal Plant Yn Rhad ac am Ddim – dilynwch y ddolen ganlynol – Cynnig Gofal Plant 30 Awr Llywodraeth Cymru | Bwrdeistref Sirol Merthyr Tudful
Os oes gennych unrhyw gwestiynau / ymholiadau ynghylch eich Hawl i Ddechrau’n Deg, cysylltwch â’r tîm drwy ffonio 01685 725000